ನವದೆಹಲಿ: ಮಹೀಂದ್ರ ಆ್ಯಂಡ್ ಮಹೀಂದ್ರ ಕಂಪನಿಯ ಜೂನ್ ತ್ರೈಮಾಸಿಕದ ತೆರಿಗೆ ನಂತರದ ಲಾಭವು ₹ 2,360 ಕೋಟಿ ಆಗಿದೆ. ಆಟೊಮೊಬೈಲ್ ಹಾಗೂ ಕೃಷಿ ವಿಭಾಗದಲ್ಲಿ ಉತ್ತಮ ವಹಿವಾಟು ಕಂಡುಬಂದ ಕಾರಣ ಇಷ್ಟು ಲಾಭ ಸಾಧ್ಯವಾಗಿದೆ.
ಹಿಂದಿನ ವರ್ಷದ ಇದೇ ತ್ರೈಮಾಸಿಕದಲ್ಲಿ ಕಂಪನಿಯು ಒಟ್ಟು ₹ 331 ಕೋಟಿ ನಷ್ಟ ಅನುಭವಿಸಿತ್ತು. ಕಂಪನಿಯ ಕಾರ್ಯಾಚರಣೆ ವರಮಾನವು ಜೂನ್ ತ್ರೈಮಾಸಿಕದಲ್ಲಿ ₹ 28,412 ಕೋಟಿಗೆ ಏರಿಕೆ ಆಗಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ವರಮಾನವು ₹ 19,171 ಕೋಟಿ ಆಗಿತ್ತು ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ.
ಆಟೊಮೊಬೈಲ್ ವಿಭಾಗದಲ್ಲಿ ಕಂಪನಿಯು ₹ 12,740 ಕೋಟಿ, ಕೃಷಿ ಉಪಕರಣಗಳ ವಿಭಾಗದಲ್ಲಿ ₹ 8,427 ಕೋಟಿ ವರಮಾನವನ್ನು ದಾಖಲಿಸಿದೆ.
