ಮಹೀಂದ್ರ ‘ಬೊಲೆರೊ ನಿಯೊ’ ಬಿಡುಗಡೆ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಮಹೀಂದ್ರ ಆ್ಯಂಡ್‌ ಮಹೀಂದ್ರ ಕಂಪನಿಯು ಏಳು ಆಸನಗಳ ‘ಬೊಲೆರೊ ನಿಯೊ’ ಎಸ್‌ಯುವಿ ಬಿಡುಗಡೆ ಮಾಡಿದೆ. ಇದರ ಎಕ್ಸ್‌ ಷೋರೂಂ ಬೆಲೆ ₹ 8.48 ಲಕ್ಷದಿಂದ ಆರಂಭವಾಗುತ್ತದೆ.
‘ಬೊಲೆರೊ ನಿಯೊ’ದ ಜೊತೆಯಲ್ಲೇ ಈಗ ಮಾರುಕಟ್ಟೆಯಲ್ಲಿ ಇರುವ ಬೊಲೆರೊ ಮಾರಾಟವೂ ಮುಂದುವರಿಯಲಿದೆ ಎಂದು ಕಂಪನಿಯು ತಿಳಿಸಿದೆ.
ದೇಶದಲ್ಲಿ ಮಾರಾಟ ಆಗುತ್ತಿರುವ ಪ್ರಮುಖ 10 ಎಸ್‌ಯುವಿಗಳ ಪಟ್ಟಿಯಲ್ಲಿ ಬೊಲೆರೊ ಸ್ಥಾನ ಉಳಿಸಿಕೊಳ್ಳಲು ಹೊಸ ‘ಬೊಲೆರೊ ನಿಯೊ’ ಬ್ರ್ಯಾಂಡ್‌ ನೆರವಾಗಲಿದೆ ಎಂದು ಮಹೀಂದ್ರ ಆ್ಯಂಡ್‌ ಮಹೀಂದ್ರ ಕಂಪನಿಯ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ (ಸಿಇಒ) ವಿಜಯ್‌ ನಕ್ರಾ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಸ್ಟ್ಯಾಂಡರ್ಡ್‌ ಡ್ಯುಯಲ್‌ ಏರ್‌ಬ್ಯಾಗ್‌, ಎಬಿಎಸ್‌, ಎಲೆಕ್ಟ್ರಾನಿಕ್‌ ಬ್ರೇಕ್‌ ಡಿಸ್ಟ್ರಿಬ್ಯೂಷನ್‌ (ಇಬಿಡಿ) ಮತ್ತು ಕಾರ್ನರಿಂಗ್ ಬ್ರೇಕ್‌ ಕಂಟ್ರೋಲ್‌ (ಸಿಬಿಸಿ) ಹಾಗೂ ಐಎಸ್‌ಒಫಿಕ್ಸ್ ಚೈಲ್ಡ್‌ ಸೀಟ್‌ನಂತಹ ವೈಶಿಷ್ಟ್ಯಗಳನ್ನು ಹೊಸ ವಾಹನ ಒಳಗೊಂಡಿದೆ. ಬೊಲೆರೊ ನಿಯೊ ಎಸ್‌ಯುವಿಯು ಎನ್‌4–ಬೇಸ್‌, ಎನ್‌8–ಮಿಡ್‌, ಎನ್‌10–ಟಾಪ್‌ ಎಂಬ ಮೂರು ಆವೃತ್ತಿಗಳಲ್ಲಿ ಲಭ್ಯವಿದೆ ಎಂದು ಕಂಪನಿ ತಿಳಿಸಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
