ನವದೆಹಲಿ: ಆರಂಭಿಕ ಸಾರ್ವಜನಿಕ ಕೊಡುಗೆ (ಐಪಿಒ) ಮೂಲಕ ಷೇರುಗಳನ್ನು ಸಾರ್ವಜನಿಕರಿಗೆ ಮಾರಾಟ ಮಾಡಿ, ಒಟ್ಟು ₹ 1,900 ಕೋಟಿ ಬಂಡವಾಳ ಸಂಗ್ರಹಿಸಲು ಮೊಬಿಕ್ವಿಕ್ ಕಂಪನಿಗೆ ಭಾರತೀಯ ಷೇರುಪೇಟೆ ನಿಯಂತ್ರಣ ಮಂಡಳಿ (ಸೆಬಿ) ಒಪ್ಪಿಗೆ ನೀಡಿದೆ.
ಒನ್ ಮೊಬಿಕ್ವಿಕ್ ಸಿಸ್ಟಮ್ಸ್ ಕಂಪನಿಯು ದೇಶದ ಮೊಬೈಲ್ ವಾಲೆಟ್ ಮಾರುಕಟ್ಟೆಯಲ್ಲಿ ಹಾಗೂ ವಸ್ತುಗಳ ಖರೀದಿಗೆ ಸ್ಮಾರ್ಟ್ಫೋನ್ ಮೂಲಕ ಕಿರುಸಾಲ ನೀಡುವ (ಬಿಎನ್ಪಿಎಲ್) ಮಾರುಕಟ್ಟೆಯಲ್ಲಿ ಪ್ರಮುಖ ಪಾಲು ಹೊಂದಿದೆ.