ಶುಕ್ರವಾರ, ಫೆಬ್ರವರಿ 26, 2021
20 °C

ಎಂಎಸ್‌ಎಂಇ ಚೇತರಿಕೆಗೆ ಬೇಕು 8 ತಿಂಗಳು: ಡಿಆ್ಯಂಡ್‌ಬಿ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ‘ಕಿರು, ಸಣ್ಣ ಮತ್ತು ಮಧ್ಯಮ ಪ್ರಮಾಣದ ಉದ್ದಿಮೆಗಳು (ಎಂಎಸ್‌ಎಂಇ) ಕೋವಿಡ್‌–19 ಪರಿಣಾಮಗಳಿಂದ ಚೇತರಿಸಿಕೊಳ್ಳಲು ಕನಿಷ್ಠ ಏಳರಿಂದ ಎಂಟು ತಿಂಗಳುಗಳು ಬೇಕಾಗಲಿವೆ’ ಎಂದು ಡನ್‌ ಆ್ಯಂಡ್‌ ಬ್ರಾಡ್‌ಸ್ಟ್ರೀಟ್‌ನ (ಡಿಆ್ಯಂಡ್‌ಬಿ) ಮುಖ್ಯ ಆರ್ಥಿಕ ತಜ್ಞ ಅರುಣ್‌ ಸಿಂಗ್‌ ಹೇಳಿದ್ದಾರೆ.

‘ದೇಶದ ಜಿಡಿಪಿಗೆ ಶೇಕಡ 29ರಷ್ಟು ಕೊಡುಗೆ ನೀಡುತ್ತಿರುವ ಈ ವಲಯವು, ಕೋವಿಡ್‌ನಿಂದಾಗಿ ಅತಿ ಹೆಚ್ಚು ಬಾಧಿತವಾಗಿದೆ. ಈ ವಲಯದ ಉದ್ದಿಮೆಗಳು ಯಾವ ಕ್ಷೇತ್ರಗಳಲ್ಲಿ ಕಾರ್ಯಾಚರಣೆ ನಡೆಸುತ್ತಿವೆ ಹಾಗೂ ಅವು ಎಷ್ಟರಮಟ್ಟಿಗೆ ಡಿಜಿಟಲ್‌ ವಹಿವಾಟಿಗೆ ತೆರೆದುಕೊಳ್ಳಲಿವೆ ಎನ್ನುವುದನ್ನು ಆಧರಿಸಿ ಚೇತರಿಕೆಯ ಪ್ರಮಾಣ ನಿರ್ಧಾರವಾಗಲಿದೆ’ ಎಂದು ವೆಬಿನಾರ್‌ ಒಂದರಲ್ಲಿ ಅವರು ಹೇಳಿದ್ದಾರೆ.

‘ಆನ್‌ಲೈನ್‌ ಗೇಮಿಂಗ್‌, ದೂರಸಂಪರ್ಕ ಮತ್ತು ಇ–ಶಿಕ್ಷಣ ಕ್ಷೇತ್ರದ ಎಂಎಸ್‌ಎಂಇಗಳು ಸಕಾರಾತ್ಮಕ ಬೆಳವಣಿಗೆ ಕಾಣುತ್ತಿವೆ. ಇನ್ನೊಂದೆಡೆ, ಆಹಾರ, ಔಷಧ, ಐ.ಟಿ. ಸಂಬಂಧಿತ ಸೇವೆಗಳು, ಬ್ಯಾಂಕಿಂಗ್‌, ರಿಟೇಲ್‌, ವಾಹನೋದ್ಯಮ, ರಿಯಲ್ ಎಸ್ಟೇಟ್‌ ಮತ್ತು ಚಿನ್ನಾಭರಣ ವಲಯಗಳಲ್ಲಿನ ಉದ್ದಿಮೆಗಳು ಚೇತರಿಸಿಕೊಳ್ಳಲು ಆರು ತಿಂಗಳಿನಿಂದ ಒಂದು ವರ್ಷವೇ ಬೇಕಾಗಲಿದೆ’ ಎನ್ನುವುದು ಸಿಂಗ್ ಅವರ ಅಂದಾಜು.

‘ಸರಕು ಸಾಗಣೆ, ಉಗ್ರಾಣ, ಲೋಹ, ಮಾಧ್ಯಮ ಮತ್ತು ಮನರಂಜನಾ ವಲಯಗಳು ಚೇತರಿಸಿಕೊಳ್ಳಲು ಒಂದು ವರ್ಷ ಹಿಡಿಯಲಿದೆ’ ಎಂದು ಅವರು ವಿವರಿಸಿದ್ದಾರೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು