ಬೆಂಗಳೂರು: ಚಿನ್ನದ ಸಾಲ ಪಡೆಯುವವರಿಗೆ ಕೋವಿಡ್-19 ವಿಮೆ ಒದಗಿಸಲು ಮುತೂಟ್ ಫೈನಾನ್ಸ್ ಕಂಪನಿಯು ಕೊಟಕ್ ಮಹೀಂದ್ರ ಜನರಲ್ ಇನ್ಶೂರೆನ್ಸ್ ಜೊತೆ ಒಪ್ಪಂದ ಮಾಡಿಕೊಂಡಿದೆ.
ಎಂಎಸ್‍ಎಲ್ ಯೋಜನೆಯಡಿ ಚಿನ್ನದ ಸಾಲ ಪಡೆಯುವ ಗ್ರಾಹಕರಿಗೆ ಪ್ರತಿ ಗ್ರಾಂ ಚಿನ್ನಕ್ಕೆ ಹೆಚ್ಚಿನ ಸಾಲ ಮೊತ್ತವನ್ನು ನೀಡುವ ಜತೆಗೆ ₹ 1 ಲಕ್ಷದ ಕೋವಿಡ್-19 ವಿಮೆ ನೀಡಲಾಗುತ್ತದೆ ಎಂದು ಪ್ರಕಟಣೆಯಲ್ಲಿ ಹೇಳಲಾಗಿದೆ.
‘ನಮ್ಮ ಗ್ರಾಹಕನಿಷ್ಠ ಯೋಜನೆ ಮತ್ತು ಸಾಮಾಜಿಕ ಬದ್ಧತೆಯ ಭಾಗವಾಗಿ, ವಿಶ್ವಾಸವೃದ್ಧಿ ಕ್ರಮವಾಗಿ ಗ್ರಾಹಕರಿಗೆ ವಿಮಾ ಸುರಕ್ಷೆ ಒದಗಿಸುತ್ತಿದ್ದೇವೆ’ ಎಂದು ಮುತ್ತೂಟ್ ಫೈನಾನ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ಜಾರ್ಜ್ ಅಲೆಗ್ಸಾಂಡರ್ ಮುತ್ತೂಟ್ ಅವರು ಹೇಳಿದ್ದಾರೆ.
