ಒಪೆಕ್+ ದೇಶಗಳು ಕಳೆದ ವರ್ಷ ಕಚ್ಚಾ ತೈಲ ಉತ್ಪಾದನೆಯನ್ನು ದಿನವೊಂದಕ್ಕೆ 1 ಕೋಟಿ ಬ್ಯಾರೆಲ್ನಷ್ಟು ಕಡಿಮೆ ಮಾಡಿದವು. ಕೋವಿಡ್ ಸಾಂಕ್ರಾಮಿಕದ ಕಾರಣದಿಂದಾಗಿ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲಕ್ಕೆ ಬೇಡಿಕೆ ಕುಸಿದು, ಬೆಲೆಯೂ ಭಾರಿ ಪ್ರಮಾಣದಲ್ಲಿ ಇಳಿಕೆ ಆದಾಗ ಅವು ಉತ್ಪಾದನೆ ಕಡಿತದ ಮೊರೆ ಹೋಗಿದ್ದವು. ನಂತರದಲ್ಲಿ ಉತ್ಪಾದನೆಯನ್ನು ತುಸು ಹೆಚ್ಚಿಸಲಾಯಿತು. ಹೀಗಿದ್ದರೂ, ಸಾಮಾನ್ಯ ದಿನಗಳ ಮಟ್ಟಕ್ಕೆ ಹೋಲಿಸಿದರೆ ಕಚ್ಚಾ ತೈಲ ಉತ್ಪಾದನೆಯು ದಿನವೊಂದಕ್ಕೆ 58 ಲಕ್ಷ ಬ್ಯಾರೆಲ್ನಷ್ಟು ಕಡಿಮೆ ಇದೆ.