‘ಒಪ್ಪೊ ಕ್ಯಾಶ್‌’ ಸೇವೆ ಆರಂಭ

ನವದೆಹಲಿ: ಸ್ಮಾರ್ಟ್ ಫೋನ್ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಚೀನಾದ ಒಪ್ಪೊ ಸಂಸ್ಥೆಯು ಭಾರತದಲ್ಲಿ ‘ಒಪ್ಪೊ ಕ್ಯಾಶ್’ (OPPO Kash) ಹೆಸರಿನಲ್ಲಿ ಹಣಕಾಸು ಸೇವೆ ಒದಗಿಸಲು ಮುಂದಾಗಿದೆ.

. ಭಾರತದ ಹೊಸ ತಲೆಮಾರಿನ ಜನರ ಬೆಳೆಯುತ್ತಿರುವ ಹಣಕಾಸು ಅಗತ್ಯಗಳನ್ನು ಒಂದೇ ವೇದಿಕೆಯಡಿ ಒದಗಿಸುವುದೇ ‘ಒಪ್ಪೊ ಕ್ಯಾಶ್’ ಉದ್ದೇಶ.ಒಪ್ಪೊ ಸ್ಮಾರ್ಟ್ ಫೋನ್ನಲ್ಲಿ 'ಒಪ್ಪೊ ಕ್ಯಾಶ್' ಆ್ಯಪ್ ಇನ್ಸ್ಟಾಲ್ ಮಾಡಲಾಗಿರುತ್ತದೆ. ಬೇರೆ ಫೋನ್ಗಳಲ್ಲಿ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಬಹುದು.

. ಏನೇನು ಸೌಲಭ್ಯ: ಒಂದೇ ಆ್ಯಪ್ನಲ್ಲಿ ಹಲವು ಹಣಕಾಸು ಸೇವೆಗಳು ಲಭ್ಯವಿವೆ.ಮ್ಯೂಚುವಲ್ ಫಂಡ್ ಹೂಡಿಕೆ, ಸಾಲ, ಮೊಬೈಲ್ ಸ್ಕ್ರೀನ್ ವಿಮೆ, ಕ್ರೆಡಿಟ್ ಸ್ಕೋರ್ನಂತ ವೈವಿಧ್ಯಮಯ ಸವಲತ್ತು ಸಿಗಲಿವೆ.ಅರ್ಹತೆ ಆಧರಿಸಿ ₹2 ಲಕ್ಷ ರೂವರೆಗೆ ವೈಯಕ್ತಿಕ ಸಾಲ, ₹2 ಕೋಟಿವರೆಗೆ ವ್ಯಾಪಾರ ಸಾಲ ಸಿಗಲಿದೆ. ಬ್ಯಾಂಕಿಗೆ ತೆರಳಿ ಅರ್ಜಿ ಸಲ್ಲಿಸಿ, ಕಾಯುವ ಪ್ರಮೇಯ ಇರುವುದಿಲ್ಲ ಎನ್ನುತ್ತಾರೆ ಕಂಪನಿಯ ಪ್ರಾಡಕ್ಟ್ ಮತ್ತು ಮಾರ್ಕೆಟಿಂಗ್ ವಿಭಾಗದ ಹಿರಿಯ ಉಪಾಧ್ಯಕ್ಷ ಸುಮಿತ್ ವಾಲಿಯಾ.

. ಆರಂಭಿಕ ಯೋಜನೆಯಾಗಿ ‘ಫ್ರೀಡಂ ಎಸ್ಐಪಿ’ಯನ್ನು ಸಂಸ್ಥೆ ಪರಿಚಯಿಸಿದೆ. ಇಲ್ಲಿ ಕನಿಷ್ಠ ₹100 ಮೂಲಕ ಗ್ರಾಹಕರು ಮ್ಯೂಚುವಲ್ ಫಂಡ್ ಹೂಡಿಕೆ ಆರಂಭಿಸಬಹುದು ಎಂದು ಒಪ್ಪೊ ಕ್ಯಾಶ್ ಮುಖ್ಯಸ್ಥ ಜಾಫರ್ ಇಮಾಮ್ ತಿಳಿಸಿದರು.ಮುಂದಿನ ಆರು ತಿಂಗಳಲ್ಲಿ ಯೋಜನೆಯನ್ನು ದೇಶದಾದ್ಯಂತ ವಿಸ್ತರಿಸಲು ನಿರ್ಧರಿಸಲಾಗಿದೆ. 5 ವರ್ಷದಲ್ಲಿ 1 ಕೋಟಿ ಬಳಕೆದಾರರನ್ನು ಹೊಂದಲು ಉದ್ದೇಶಿಸಲಾಗಿದೆ.

. ಪಾವತಿ, ಉಳಿತಾಯ, ವಿಮೆ, ಶಿಕ್ಷಣ ಸಾಲ, ಮತ್ತು ದೇಶದಲ್ಲಿ ಮೊದಲ ಬಾರಿಗೆ ಆರ್ಥಿಕ ಯೋಗಕ್ಷೇಮ ಸ್ಕೋರ್ ಒದಗಿಸುವಹೊಸ ಸೇವೆಗಳನ್ನು ಮುಂದಿನ ಒಂದೂವರೆ ವರ್ಷದಲ್ಲಿ ಆರಂಭಿಸುವಮಹತ್ವಾಕಾಂಕ್ಷೆಯನ್ನು ಸಂಸ್ಥೆ ಹೊಂದಿದೆ.ಮ್ಯೂಚುವಲ್ ಫಂಡ್, ಸಾಲ, ವಿಮೆ ಸೇವೆಗಳ ಬಗ್ಗೆ ಮಾಹಿತಿ ನೀಡಲು ಗ್ರಾಹಕ ಸೇವಾ ತಂಡವನ್ನು ರಚಿಸಲಾಗಿದೆ. ಡೇಟಾ ಗೋಪ್ಯತೆ ಕಾಪಾಡುವುದು ಮತ್ತು ಎಲ್ಲಾ ಡೇಟಾವನ್ನು ದೇಶದಲ್ಲಿ ಸಂಗ್ರಹಿಸಿ ನಿಯಮಾವಳಿಗಳನ್ನು ಪಾಲಿಸುವುದಾಗಿ ಸಂಸ್ಥೆ ಭರವಸೆ ನೀಡಿದೆ.

. (ಕಂಪನಿಯ ಆಹ್ವಾನದ ಮೇರೆಗೆ ವರದಿಗಾರ ದೆಹಲಿಗೆ ತೆರಳಿದ್ದರು.)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಒಪ್ಪೊ ಕ್ಯಾಶ್‌’ ಸೇವೆ ಆರಂಭ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

'ಜೂನಿಯರ್' ಚಿತ್ರ ವಿಮರ್ಶೆ: ಸಿರಿವಂತ ಸಿನಿಮಾದಲ್ಲಿ ಕಥೆಯೇ ಬಡವ