ಶನಿವಾರ, ಅಕ್ಟೋಬರ್ 24, 2020
18 °C

ಎಂಪಿಸಿ ಸಭೆ ಮುಂದೂಡಿದ ಆರ್‌ಬಿಐ

ಪಿಟಿಐ Updated:

ಅಕ್ಷರ ಗಾತ್ರ : | |

ಮುಂಬೈ: ರೆಪೊ ದರ ತೀರ್ಮಾನಿಸುವ ಹಣಕಾಸು ನೀತಿ ಸಮಿತಿಯ (ಎಂಪಿಸಿ) ಸಭೆಯನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಮುಂದೂಡಿದೆ. ಇದು ಮಂಗಳವಾರದಿಂದ ಆರಂಭವಾಗಬೇಕಿತ್ತು. ಸ್ವತಂತ್ರ ನಿರ್ದೇಶಕರ ನೇಮಕವು ತಡವಾಗಿರುವ ಕಾರಣ, ಕೋರಂ ಭರ್ತಿ ಆಗುವುದಿಲ್ಲ ಎಂದು ಸಭೆಯನ್ನು ಮುಂದೂಡಿರಬಹುದು ಎನ್ನಲಾಗಿದೆ.

ಸಭೆಯ ಯಾವಾಗ ನಡೆಯಲಿದೆ ಎಂಬುದನ್ನು ಶೀಘ್ರದಲ್ಲೇ ಪ್ರಕಟಿಸಲಾಗುತ್ತದೆ ಎಂದು ಆರ್‌ಬಿಐ ಹೇಳಿದೆ. ರೆಪೊ ದರ ನಿರ್ಧರಿಸುವ ಹೊಣೆಯನ್ನು ಸರ್ಕಾರವು 2016ರಲ್ಲಿ ಈ ಸಮಿತಿಗೆ ವರ್ಗಾಯಿಸಿತು. ಸಮಿತಿಯಲ್ಲಿ ಆರು ಜನ ಸದಸ್ಯರಿರುತ್ತಾರೆ. ಈ ಪೈಕಿ ಮೂವರು ಸ್ವತಂತ್ರ ನಿರ್ದೇಶಕರು.

ಮೂವರು ಸ್ವತಂತ್ರ ನಿರ್ದೇಶಕರ ಅಧಿಕಾರ ಅವಧಿಯು ಹಿಂದಿನ ತಿಂಗಳಲ್ಲಿ ಮುಕ್ತಾಯಗೊಂಡಿದೆ. ಅವರ ಸ್ಥಾನಕ್ಕೆ ಹೊಸಬರ ನೇಮಕ ಆಗಿಲ್ಲ. ಎಂಪಿಸಿ ಸಭೆಯಲ್ಲಿ ಕನಿಷ್ಠ ನಾಲ್ಕು ಸದಸ್ಯರು ಹಾಜರಿರಬೇಕು ಎಂದು ನಿಯಮ ಹೇಳುತ್ತದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು