ನವದೆಹಲಿ: ಅಬುಧಾಬಿ ಇನ್‌ವೆಸ್ಟ್‌ಮೆಂಟ್‌ ಅಥಾರಿಟಿಗೆ (ಎಡಿಐಎ) ಜಿಯೊ ಪ್ಲಾಟ್‌ಫಾರ್ಮ್ಸ್‌ನ ಶೇ 1.16ರಷ್ಟು ಷೇರುಗಳನ್ನು ಮಾರಾಟ ಮಾಡುವ ಮೂಲಕ ₹ 5,683.50 ಕೋಟಿ ಸಂಗ್ರಹಿಸಿರುವುದಾಗಿ ರಿಲಯನ್ಸ್‌ ಇಂಡಸ್ಟ್ರೀಸ್‌ ಭಾನುವಾರ ತಿಳಿಸಿದೆ.
ರಿಲಯನ್ಸ್‌ ಇಂಡಸ್ಟ್ರೀಸ್‌ ಮಾಡಿಕೊಂಡಿರುವ 8ನೇ ಹೂಡಿಕೆ ಒಪ್ಪಂದ ಇದಾಗಿದೆ. ಈ ಹೂಡಿಕೆಯಿಂದ ಒಟ್ಟಾರೆಯಾಗಿ ಜಿಯೊ ಪ್ಲಾಟ್‌ಫಾರ್ಮ್ಸ್‌ ಸಂಗ್ರಹಿಸಿರುವ ಬಂಡವಾಳ ₹ 97,885.65 ಕೋಟಿಗೆ ಏರಿಕೆಯಾಗಿದೆ.
ಫೇಸ್ಬುಕ್, ಸಿಲ್ವರ್‌ ಲೇಕ್‌, ವಿಸ್ತಾ ಈಕ್ವಿಟಿ ಪಾರ್ಟ್ನರ್ಸ್‌, ಜನರಲ್‌ ಅಟ್ಲಾಂಟಿಕ್‌, ಕೆಕೆಆರ್, ಮುಬದಲಾ ಈಗಾಗಲೇ ಹೂಡಿಕೆ ಮಾಡಿರುವ ಪ್ರಮುಖ ಕಂಪನಿಗಳಾಗಿವೆ.
