ಮಂಗಳವಾರ, ಜನವರಿ 31, 2023
19 °C

ಭಾರತ, ಚೀನಾಕ್ಕೆ ಹೆಚ್ಚು ತೈಲ ರವಾನಿಸಿದ ರಷ್ಯಾ

ರಾಯಿಟರ್ಸ್ Updated:

ಅಕ್ಷರ ಗಾತ್ರ : | |

ಸಿಂಗಪುರ/ನವದೆಹಲಿ: ಆರ್ಕ್ಟಿಕ್‌ ಪ್ರದೇಶದಲ್ಲಿ ಉತ್ಪಾದನೆ ಆಗುವ ಕಚ್ಚಾ ತೈಲವನ್ನು ರಷ್ಯಾ ಹೆಚ್ಚಿನ ಪ್ರಮಾಣದಲ್ಲಿ, ಹೆಚ್ಚಿನ ರಿಯಾಯಿತಿ ದರದಲ್ಲಿ ಭಾರತ ಮತ್ತು ಚೀನಾಕ್ಕೆ ರಫ್ತು ಮಾಡುತ್ತಿದೆ. ಹಿಂದಿನ ತಿಂಗಳು ಯುರೋಪ್‌, ರಷ್ಯಾದ ತೈಲದ ಮೇಲೆ ನಿರ್ಬಂಧ ಹೇರಿದ ನಂತರ ಈ ಬೆಳವಣಿಗೆ ಆಗಿದೆ.

ಆರ್ಕ್ಟಿಕ್‌ ಪ್ರದೇಶದಲ್ಲಿ ಉತ್ಪಾದನೆಯಾಗುವ ಕಚ್ಚಾ ತೈಲವು ಸಾಮಾನ್ಯವಾಗಿ ಪೂರ್ವದ ದೇಶಗಳಿಗೆ ಪೂರೈಕೆ ಆಗುತ್ತಿರಲಿಲ್ಲ. ಆದರೆ ರಷ್ಯಾ ತೈಲದ ಬೆಲೆಯ ಮೇಲೆ ಐರೋಪ್ಯ ಒಕ್ಕೂಟ, ಜಿ7 ದೇಶಗಳು ಮತ್ತು ಆಸ್ಟ್ರೇಲಿಯಾ ಡಿಸೆಂಬರ್‌ನಲ್ಲಿ ಮಿತಿ ಹೇರಿದ ನಂತರದಲ್ಲಿ ರಷ್ಯಾದ ಈ ಕಚ್ಚಾ ತೈಲವನ್ನು ಬೇರೆ ಮಾರುಕಟ್ಟೆಗಳಿಗೆ ರವಾನಿಸಲಾಗುತ್ತಿದೆ.

‘ಹಿಂದೆ ಈ ಕಚ್ಚಾ ತೈಲವು ಯುರೋಪಿಗೆ ರಫ್ತಾಗುತ್ತಿತ್ತು. ಈಗ ಅದು ಬೇರೆಡೆ ಮಾರುಕಟ್ಟೆಯನ್ನು ಕಂಡುಕೊಳ್ಳಬೇಕಿದೆ’ ಎಂದು ಸಿಂಗಪುರ ಮೂಲದ ವರ್ತಕರೊಬ್ಬರು ತಿಳಿಸಿದ್ದಾರೆ.

ಆರ್ಕ್ಟಿಕ್‌ ಕಚ್ಚಾ ತೈಲವು ಭಾರತಕ್ಕೆ ಪೂರೈಕೆಯಾಗುವುದು ಮೇ ನಂತರದಲ್ಲಿ ಹೆಚ್ಚಾಗಿದೆ. ನವೆಂಬರ್‌ನಲ್ಲಿ 66.7 ಲಕ್ಷ ಬ್ಯಾರೆಲ್‌, ಡಿಸೆಂಬರ್‌ನಲ್ಲಿ 41 ಲಕ್ಷ ಬ್ಯಾರೆಲ್‌ ತೈಲ ಭಾರತಕ್ಕೆ ಬಂದಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು