ಶನಿವಾರ, ಜೂಲೈ 4, 2020
28 °C

ರಿಲಯನ್ಸ್‌ ಜಿಯೊದಲ್ಲಿ ಮತ್ತೆ ₹4,546 ಕೋಟಿ ಹೂಡಿಕೆ ಮಾಡಿದ ಸಿಲ್ವರ್‌ ಲೇಕ್‌

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ರಿಲಯನ್ಸ್ ಜಿಯೊ ಡಿಜಿಟಲ್‌

ಮುಂಬೈ: ಅಮೆರಿಕ ಮೂಲಕ ಖಾಸಗಿ ಈಕ್ವಿಟಿ ಸಂಸ್ಥೆ ಸಿಲ್ವರ್‌ ಲೇಕ್ ರಿಲಯನ್ಸ್‌ ಇಂಡಸ್ಟ್ರೀಸ್‌ನ ಜಿಯೊ ಡಿಜಿಟಲ್‌ ಪ್ಲಾಟ್‌ಫಾರ್ಮ್‌ಗಳಲ್ಲಿ ಮತ್ತೆ ₹4,546.80 ಕೋಟಿ ಹೂಡಿಕೆ ಮಾಡಿದೆ.

ಈ ಮೂಲಕ ಜಿಯೊ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸಿಲ್ವರ್‌ ಲೇಕ್‌ ಒಟ್ಟು ಹೂಡಿಕೆ ₹10,202.55 ಕೋಟಿ ಆಗಿದ್ದು, ಕಂಪನಿಯಲ್ಲಿ ಷೇರು ಶೇ 2.08ಕ್ಕೆ ಏರಿಕೆಯಾಗಿದೆ. ಮೇ 4ರಂದು ಸಿಲ್ವರ್‌ ಲೇಕ್‌ ಜಿಯೊ ಪ್ಲಾಟ್‌ಫಾರ್ಮ್‌ಗಳಲ್ಲಿ ₹5,655.75 ಕೋಟಿ ಹೂಡಿಕೆ ಮಾಡಿತ್ತು.

ರಿಲಯನ್ಸ್‌ ಆರು ವಾರಗಳಲ್ಲಿ ಆರನೇ ಒಪ್ಪಂದಕ್ಕೆ ಮುಂದಾಗಿದೆ. ಅಬು–ಧಾಬಿ ಮೂಲದ ಮುಬದಲಾ ಹೂಡಿಕೆ ಸಂಸ್ಥೆ ಜಿಯೊ ಪ್ಲಾಟ್‌ಫಾರ್ಮ್‌ಗಳಲ್ಲಿ ₹9,093.60 ಕೋಟಿ ಹೂಡಿಕೆ ಮಾಡಲಿದೆ ಎಂದು ಶುಕ್ರವಾರ ರಿಲಯನ್ಸ್‌ ಪ್ರಕಟಿಸಿತ್ತು. ಈಗಾಗಲೇ ಫೇಸ್‌ಬುಕ್‌, ಸಿಲ್ವರ್‌ ಲೇಕ್‌, ವಿಸ್ತಾ ಈಕ್ವಿಟಿ ಪಾರ್ಟ್‌ನರ್ಸ್‌, ಜನರಲ್‌ ಅಟ್ಲಾಂಟಿಕ್‌, ಕೆಕೆಆರ್‌ ಹೂಡಿಕೆ ಸಂಸ್ಥೆ ಪಾಲು ಖರೀದಿ ಒಪ್ಪಂದ ಮಾಡಿಕೊಂಡಿವೆ.

ಜಿಯೊ ಪ್ಲಾಟ್‌ಫಾರ್ಮ್‌ಗಳಿಗೆ ಒಟ್ಟು ₹92,202.15 ಕೋಟಿ ಹೂಡಿಕೆಯಾದಂತಾಗಿದೆ. ಇದರೊಂದಿಗೆ ರಿಲಯನ್ಸ್‌ ₹53,125 ಕೋಟಿ ಮೌಲ್ಯದ ಹಕ್ಕಿನ ಷೇರುಗಳ ವಿತರಣೆ ನಡೆಸಿ ಹಣ ಸಂಗ್ರಹಿಸುತ್ತಿದೆ. 2021ರ ಮಾರ್ಚ್‌ ವೇಳೆಗೆ ಸಾಲ ಮುಕ್ತವಾಗಲು ರಿಲಯನ್ಸ್‌ ಯೋಜನೆ ರೂಪಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು