ದೇಶಿ ಕಾರ್ಯಾಚರಣೆ ವಿಸ್ತರಣೆಗೆ 66 ಹೊಸ ವಿಮಾನ: ಸ್ಪೈಸ್‌ಜೆಟ್

ಮುಂಬೈ: ಸ್ಪೈಸ್‌ ಜೆಟ್‌ ಕಂಪನಿಯು ತನ್ನ ದೇಶಿ ಕಾರ್ಯಾಚರಣೆಯನ್ನು ವಿಸ್ತರಿಸಲು ಉದ್ದೇಶಿಸಿದೆ.  ಇದೇ ತಿಂಗಳ 28ರಿಂದ ಕೆಲವು ಮಾರ್ಗಗಳಲ್ಲಿ ಹೆಚ್ಚುವರಿ ಸೇವೆಗಳನ್ನೂ ಒಳಗೊಂಡು ಹೊಸ 66 ವಿಮಾನಗಳು ಹಾರಾಟ ಆರಂಭಿಸಲಿವೆ ಎಂದು ತಿಳಿಸಿದೆ.

ಮಹಾನಗರ ಮತ್ತು ಮಹಾನಗರೇಯತರ ಭಾಗಗಳಲ್ಲಿ ಈ ಹೊಸ ವಿಮಾನಗಳು ಸೇವೆ ಆರಂಭಿಸಲಿವೆ ಈ ಮೂಲಕ ಸ್ಥಳೀಯ ಸಂಪರ್ಕ ವಿಸ್ತರಣೆಯ ನಮ್ಮ ಬದ್ಧತೆಯನ್ನು ಕಾಯ್ದುಕೊಳ್ಳಲಾಗುತ್ತಿದೆ ಎಂದು ಸಿಸಿಒ ಶಿಲ್ಪಾ ಭಾಟಿಯಾ ತಿಳಿಸಿದ್ದಾರೆ.

ಉಡಾನ್‌ ಯೋಜನೆಯಡಿ ಸ್ಪೈಸ್‌ಜೆಟ್‌ ಕಂಪನಿಯು ಸಣ್ಣ ನಗರಗಳ ಪ್ರಯಾಣ ಬೇಡಿಕೆಯನ್ನು ಈಡೇರಿಸುತ್ತಿದೆ. ಅಹಮದಾಬಾದ್‌–ದರ್ಭಂಗ್–ಅಹಮದಾಬಾದ್‌, ಹೈದರಾಬಾದ್‌–ದರ್ಭಂಗ್–ಹೈದರಾಬಾದ್‌, ಪುಣೆ–ದರ್ಭಂಗ್‌–ಪುಣೆ, ಕೋಲ್ಕತ್ತ–ದರ್ಭಂಗ್‌–ಕೋಲ್ಕತ್ತ ಮಾರ್ಗಗಳಲ್ಲಿ ಹೊಸ ವಿಮಾನಗಳು ಸೇವೆ ಕಾರ್ಯಾಚರಿಸಲಿವೆ.