ಮುಂಬೈ: ಟಾಟಾ ಮೋಟರ್ಸ್‌ ಕಂಪನಿಯು ತನ್ನ ಪುಣೆ ಘಟಕದಲ್ಲಿ ಒಟ್ಟಾರೆ 1 ಲಕ್ಷ ಆಲ್ಟ್ರೋಜ್‌ ಕಾರು ತಯಾರಿಕೆ ಮಾಡಿದೆ.
ಕಂಪನಿಯು 2019ರ ನವೆಂಬರ್‌ ಅಂತ್ಯದಲ್ಲಿ ಆಲ್ಟ್ರೋಜ್‌ ತಯಾರಿಕೆ ಆರಂಭಿಸಿತು. 2020ರ ಜನವರಿಯಲ್ಲಿ ಬಿಡುಗಡೆ ಮಾಡಿತು.
ಪ್ರಸಕ್ತ ಹಣಕಾಸು ವರ್ಷದಲ್ಲಿ ಪ್ರೀಮಿಯಂ ಹ್ಯಾಚ್‌ಬ್ಯಾಕ್‌ ವಿಭಾಗದಲ್ಲಿ ಆಲ್ಟ್ರೋಜ್‌ ಎರಡನೇ ಸ್ಥಾನ ಪಡೆದುಕೊಂಡಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
‘ಸವಾಲಿನ ಈ ಸಂದರ್ಭದಲ್ಲಿ ಈ ಮೈಲುಗಲ್ಲು ಸಾಧಿಸಿದ್ದು, ನಮ್ಮ ಗ್ರಾಹಕರು ಮತ್ತು ಪಾಲುದಾರರ ನಿರಂತರ ಬೆಂಬಲ ಮತ್ತು ನಿಷ್ಠೆಗೆ ಕೃತಜ್ಞರಾಗಿರುತ್ತೇವೆ’ ಎಂದು ಕಂಪನಿಯ ಪ್ರಯಾಣಿಕ ವಾಹನ ವಿಭಾಗದ ಉಪಾಧ್ಯಕ್ಷ ರಾಜನ್‌ ಅಂಬಾ ಹೇಳಿದ್ದಾರೆ.
