ರಾಯಿಟರ್ಸ್: ಟ್ವಿಟರ್ ಕಂಪನಿಯನ್ನು ಖರೀದಿಸಲು ಎಲಾನ್ ಮಸ್ಕ್ ಅವರು ಟೆಸ್ಲಾ ಕಂಪನಿಯಲ್ಲಿ ತಾವು ಹೊಂದಿರುವ ಷೇರುಗಳನ್ನು ಮಾರಬೇಕಾಗಬಹುದು ಎಂಬ ಕಳವಳ ಹೂಡಿಕೆದಾರರಲ್ಲಿ ಮೂಡಿದ ಪರಿಣಾಮವಾಗಿ, ಟೆಸ್ಲಾ ಮಾರುಕಟ್ಟೆ ಮೌಲ್ಯವು ಮಂಗಳವಾರ ₹ 9.64 ಲಕ್ಷ ಕೋಟಿಯಷ್ಟು ಕುಸಿದಿದೆ.
ಟ್ವಿಟರ್ ಖರೀದಿ ವಹಿವಾಟಿನಲ್ಲಿ ಟೆಸ್ಲಾ ಪಾಲು ಇಲ್ಲ. ಆದರೆ, ಟ್ವಿಟರ್ ಖರೀದಿಗೆ ಹಣ ತರುವುದು ಎಲ್ಲಿಂದ ಎಂಬುದನ್ನು ಬಹಿರಂಗಪಡಿಸಲು ಎಲಾನ್ ಮಸ್ಕ್ ಅವರು ನಿರಾಕರಿಸಿದ್ದಾರೆ. ಇದರಿಂದಾಗಿ, ಟೆಸ್ಲಾ ಷೇರುಗಳ ಮೌಲ್ಯದ ಮೇಲೆ ಪರಿಣಾಮ ಉಂಟಾಗಿದೆ.
ಟೆಸ್ಲಾ ಷೇರು ಮೌಲ್ಯದಲ್ಲಿ ಮಂಗಳವಾರ ಆಗಿರುವ ಶೇ 12.2ರಷ್ಟು ಇಳಿಕೆಯ ಕಾರಣದಿಂದಾಗಿ, ಮಸ್ಕ್ ಅವರು ಟೆಸ್ಲಾದಲ್ಲಿ ಹೊಂದಿರುವ ಷೇರುಗಳ ಮೌಲ್ಯವು ₹ 1.60 ಲಕ್ಷ ಕೋಟಿಯಷ್ಟು ಇಳಿದಿದೆ.
