ನವದೆಹಲಿ: ಕೈಗೆಟುಕುವ ದರದಲ್ಲಿ ಮಾರಾಟ ಮಾಡಲಾಗುತ್ತಿರುವ ಥಾಮ್ಸನ್‌ ಬ್ರ್ಯಾಂಡ್‌ನ ಟಿವಿಗಳು ಫ್ಲಿಪ್‌ಕಾರ್ಟ್‌ನ 'ಬಿಗ್‌ ಬಿಲಿಯನ್‌ ಡೇಸ್‌'ನಲ್ಲಿ ಮತ್ತಷ್ಟು ಕೊಡುಗೆಗಳೊಂದಿಗೆ ಬರಲಿದೆ. ಥಾಮ್ಸನ್‌ ಟಿವಿಗಳ ಆರಂಭಿಕ ಬೆಲೆ ₹5,999 ಇದೆ.
'ಬಿಗ್‌ ಸೇವ್‌ ಆನ್‌ ಬಿಗರ್ ಟಿವಿ ಆಫರ್‌' ಹಬ್ಬದ ಕೊಡುಗೆಯಲ್ಲಿ 2 ಲಕ್ಷ ಟಿವಿಗಳನ್ನು ಮಾರಾಟ ಮಾಡುವ ಗುರಿ ಹೊಂದಿರುವುದಾಗಿ ಥಾಮ್ಸನ್‌ ಟಿವಿಗಳನ್ನು ಭಾರತದಲ್ಲಿ ತಯಾರಿಸುತ್ತಿರುವ ಎಸ್‌ಪಿಪಿಎಲ್‌ ಹೇಳಿದೆ. ಅಕ್ಟೋಬರ್ 16ರಿಂದ 21ರ ವರೆಗೂ ವಿಶೇಷ ಮಾರಾಟ ನಡೆಯಲಿದೆ.
₹10,999ರಿಂದ ಆ್ಯಂಡ್ರಾಯ್ಡ್‌ ಸ್ಮಾರ್ಟ್‌ ಟಿವಿಗಳ ಬೆಲೆಗಳು ಸಿಗಲಿವೆ. ಇದರೊಂದಿಗೆ ಥಾಮ್ಸನ್‌ ವಾಶಿಂಗ್‌ ಮೆಷಿನ್‌ ಸಹ ಮಾರಾಟವಾಗಲಿದ್ದು, 6.5ಕೆ.ಜಿ. ಸಾಮರ್ಥ್ಯದ ವಾಶಿಂಗ್‌ ಮೆಷಿನ್‌ಗೆ ₹6,499 ನಿಗದಿಯಾಗಿದೆ. ರಿಯಾಯಿತಿ ದರದಲ್ಲಿ ಉತ್ತಮ ಪ್ರಾಡಕ್ಟ್‌ಗಳನ್ನು ನೀಡುತ್ತಿರುವುದಾಗಿ ಕಂಪನಿ ಹೇಳಿದೆ.
