ಬೆಂಗಳೂರು: ದೇಶದ ಅತಿವೇಗದ ಹಾಗೂ ಸ್ವದೇಶಿ ನಿರ್ಮಿತ ಐಪಿ/ಎಂಪಿಎಲ್ಎಸ್ (ಮಲ್ಟಿಪೊಟ್ರೊಕಾಲ್ ಲೇಬಲ್ ಸ್ವಿಚಿಂಗ್) ರೂಟರ್ ಅನ್ನು ನಗರದಲ್ಲಿ ಶನಿವಾರ ಕೇಂದ್ರ ಸಂವಹನ, ಎಲೆಕ್ಟ್ರಾನಿಕ್ಸ್ ಹಾಗೂ ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಲೋಕಾರ್ಪಣೆಗೊಳಿಸಿದರು.
ನಿವೆಟ್ಟಿ ಸಿಸ್ಟಂನಿಂದ ವಿನ್ಯಾಸಗೊಳಿಸಿರುವ ಈ ರೂಟರ್, 2.4 ಟಿಬಿಪಿಎಸ್ ಸಾಮರ್ಥ್ಯ ಹೊಂದಿದೆ. ಅತಿವೇಗದ ನೆಟ್ವರ್ಕ್ ಸೇವೆಯನ್ನು ನೀಡಲಿದೆ.
‘ಪ್ರಧಾನಿ ನರೇಂದ್ರ ಮೋದಿ ಅವರು ಡಿಜಿಟಲ್ ಇಂಡಿಯಾಕ್ಕೆ ಒತ್ತು ನೀಡಿದ್ದಾರೆ. ಅವರ ಆಶಯಕ್ಕೆ ಅನುಗುಣವಾಗಿ ಈ ರೂಟರ್ ನಿರ್ಮಾಣವಾಗಿದೆ’ ಎಂದು ಸಚಿವರು ಶ್ಲಾಘಿಸಿದರು.
‘ರೂಟರ್ ನಿರ್ಮಾಣವು ಸಣ್ಣ ವಿಷಯವಲ್ಲ. ಭಾರತದ ಪಾಲಿಗೆ ಮಹತ್ವದ ಸಾಧನೆಯಾಗಿದೆ. ದೇಶದಲ್ಲಿ ಮುಂಬರುವ ದಿನಗಳಲ್ಲಿ ಇಂತಹ ಸಾವಿರಾರು ಉತ್ಪನ್ನಗಳನ್ನು ತಯಾರಿಸಬೇಕಿದೆ. ಈ ರೂಟರ್ ಅನ್ನು ರಫ್ತು ಕೂಡ ಮಾಡಬಹುದಾಗಿದೆ’ ಎಂದರು.