ನವದೆಹಲಿ: 2020-21ನೇ ಸಾಲಿನಲ್ಲಿ ಭಾರತದಲ್ಲಿ ಹೆಚ್ಚು ವಿದೇಶಿ ನೇರ ಬಂಡವಾಳ (ಎಫ್‌ಡಿಐ) ಹೂಡಿಕೆ ಮಾಡಿದ ದೇಶಗಳ ಪಟ್ಟಿಯಲ್ಲಿ ಮಾರಿಷಸ್‌ ಹಿಂದಿಕ್ಕಿ, ಅಮೆರಿಕವು 2ನೇ ಸ್ಥಾನಕ್ಕೆ ಬಂದಿದೆ. 2020-21ನೇ ಸಾಲಿನ ಅಂತ್ಯಕ್ಕೆ ಭಾರತದಲ್ಲಿ ಅಮೆರಿಕವು ಎಫ್‌ಡಿಐ ರೂಪದಲ್ಲಿ ₹ 1 ಲಕ್ಷ ಕೋಟಿಯಷ್ಟು ಹೂಡಿಕೆ ಮಾಡಿದೆ.
ಕೈಗಾರಿಕೆ ಮತ್ತು ಆಂತರಿಕ ವ್ಯಾಪಾರ ಉತ್ತೇಜನ ವಿಭಾಗವು ಬಿಡುಗಡೆ ಮಾಡಿರುವ ವರದಿಯಲ್ಲಿ ಈ ಮಾಹಿತಿ ಇದೆ. ಭಾರತದಲ್ಲಿ ಅತಿ ಹೆಚ್ಚು ಎಫ್‌ಡಿಐ ಹೂಡಿಕೆ ಮಾಡಿರುವ ದೇಶಗಳ ಪಟ್ಟಿಯಲ್ಲಿ ಮೊದಲ ಸ್ಥಾನವನ್ನು ಸಿಂಗಪುರವು ಸತತ ಮೂರನೇ ವರ್ಷವೂ ಕಾಯ್ದುಕೊಂಡಿದೆ. 2020-21ನೇ ಸಾಲಿನಲ್ಲಿ ಭಾರತದಲ್ಲಿ ಸಿಂಗಪುರದ ಒಟ್ಟು ₹ 1.26 ಲಕ್ಷ ಕೋಟಿಯಷ್ಟು ಎಫ್‌ಡಿಐ ಹೂಡಿಕೆ ಮಾಡಿದೆ.
ಈ ಅವಧಿಯಲ್ಲಿ ಮಾರಿಷಸ್‌ ₹ 40,851 ಕೋಟಿ ಎಫ್‌ಡಿಐ ಹೂಡಿಕೆ ಮಾಡಿದೆ. ಯುಎಇ ₹ 30,421 ಕೋಟಿ, ಕೇಮನ್ ಐಲ್ಯಾಂಡ್ ₹ 20,208 ಕೋಟಿ ಹೂಡಿಕೆ ಮಾಡಿದ್ದು ಕ್ರಮವಾಗಿ ನಾಲ್ಕು ಮತ್ತು ಐದನೇ ಸ್ಥಾನದಲ್ಲಿವೆ.
