2030ರ ವೇಳೆಗೆ ಭಾರತದಲ್ಲಿ ತಾನು ನಡೆಸುವ ವಹಿವಾಟುಗಳಲ್ಲಿ ಶೇಕಡ 25ರಿಂದ ಶೇ 30ರಷ್ಟು ವಹಿವಾಟುಗಳು ಇ.ವಿ.ಗಳಿಂದ ಬರಲಿವೆ ಎಂಬ ಅಂದಾಜನ್ನು ಕಂಪನಿ ಹೊಂದಿದೆ. ‘ನಮ್ಮ ಕಾರ್ಯತಂತ್ರವು ಬಹಳ ಸ್ಪಷ್ಟವಾಗಿದೆ. ಮೊದಲನೆಯದು, ಪ್ರೀಮಿಯಂ ಕಾರುಗಳನ್ನು ಬಿಡುಗಡೆ ಮಾಡುವುದು. ಎರಡನೆಯದು, ವಿದ್ಯುತ್ ಚಾಲಿತ ವಾಹನಗಳನ್ನು ಮಾರುಕಟ್ಟೆಗೆ ತರುವುದು’ ಎಂದು ಕಂಪನಿಯ ಭಾರತದ ಬ್ರ್ಯಾಂಡ್ ನಿರ್ದೇಶಕ ಆಶಿಷ್ ಗುಪ್ತ ಹೇಳಿದ್ದಾರೆ. ಐಡಿ.4 ಕಾರಿನ ಬಿಡಿಭಾಗಗಳನ್ನು ಆಮದು ಮಾಡಿಕೊಂಡು, ಅವುಗಳನ್ನು ಭಾರತದಲ್ಲಿ ಜೋಡಿಸಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.