ಭಾನುವಾರ, ಸೆಪ್ಟೆಂಬರ್ 27, 2020
27 °C

ಸಗಟು ವ್ಯಾಪಾರ ಆರಂಭಿಸಿದ ಫ್ಲಿಪ್‌ಕಾರ್ಟ್‌

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಫ್ಲಿಪ್‌ಕಾರ್ಟ್‌ ಕಂಪನಿಯು ದೇಶದಲ್ಲಿ ಸಗಟು ವ್ಯಾಪಾರ ಸೇವೆಯನ್ನು ಆರಂಭಿಸಿದೆ. ‘ತಂತ್ರಜ್ಞಾನದ ಬಳಕೆಯ ಮೂಲಕ ದೇಶದ ಎಂಎಸ್‌ಎಂಇ ಮತ್ತು ಕಿರಾಣಿ ಅಂಗಡಿಗಳ ವಹಿವಾಟು ಸುಲಭವಾಗುವಂತೆ ಮಾಡುವುದು ಇದರ ಮೂಲ ಉದ್ದೇಶ’ ಎಂದು ಫ್ಲಿಪ್‌ಕಾರ್ಟ್‌ ಹೋಲ್‌ಸೇಲ್‌ನ ಹಿರಿಯ ಉಪಾಧ್ಯಕ್ಷ ಆದರ್ಶ್ ಮೆನನ್‌ ಹೇಳಿದ್ದಾರೆ.

ಕಿರಾಣಿ ಅಂಗಡಿಗಳಿಗೆ ಒಂದೇ ಉತ್ಪನ್ನವು ವಿವಿಧ ಬ್ರ್ಯಾಂಡ್‌ ಮತ್ತು ಬೆಲೆಯ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಈ ವಹಿವಾಟಿನ ಮೂಲಕ ಅಮೆಜಾನ್‌ ಮತ್ತು ಇತರೆ ಆನ್‌ಲೈನ್‌ ಕಂಪನಿಗಳಿಗೆ ಪೈಪೋಟಿ ನೀಡಲು ಫ್ಲಿಪ್‌ಕಾರ್ಟ್‌ ಮುಂದಾಗಿದೆ.

‘ಫ್ಲಿಪ್‌ಕಾರ್ಟ್‌ ಹೋಲ್‌ಸೇಲ್‌’ನ ಸ್ಮಾರ್ಟ್‌ಫೋನ್‌ ಆ್ಯಪ್‌ ಸಹ ಇದ್ದು, ಸದ್ಯ ಬೆಂಗಳೂರು, ಗುರುಗ್ರಾಮ ಮತ್ತು ದೆಹಲಿಯಲ್ಲಿ ಸಿದ್ಧ ಉಡುಪು, ಪಾದರಕ್ಷೆಗಳನ್ನು ಮಾರಾಟ ಮಾಡಲಾಗುತ್ತಿದೆ.

ವರ್ಷಾಂತ್ಯದ ವೇಳೆಗೆ ತನ್ನ ಸಗಟು ವಹಿವಾಟನ್ನು ಇನ್ನೂ 20 ನಗರಗಳಿಗೆ ವಿಸ್ತರಿಸುವ ಹಾಗೂ ದಿನಸಿ ವಸ್ತುಗಳನ್ನು ಮಾರಾಟ ಮಾಡುವ ಯೋಜನೆ ಇದೆ ಎಂದು ಕಂಪನಿ ತಿಳಿಸಿದೆ.

250 ಸ್ಥಳೀಯ ತಯಾರಕರ 50 ಬ್ರ್ಯಾಂಡ್‌ಗಳ 2 ಲಕ್ಷಕ್ಕೂ ಅಧಿಕ ಉತ್ಪನ್ನಗಳನ್ನು ಕೆಲವೇ ದಿನಗಳಲ್ಲಿ ಗ್ರಾಹಕರಿಗೆ ಲಭ್ಯವಾಗುವಂತೆ ಮಾಡುವ ಭರವಸೆಯನ್ನೂ ಕಂಪನಿ ಹೊಂದಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು