ಸಗಟು ಹಣದುಬ್ಬರ ಇಳಿಕೆ

ಜನವರಿಯಲ್ಲಿ ಶೇ 0.27ರಷ್ಟಿದ್ದ ಹಣದುಬ್ಬರವು, ಫೆಬ್ರುವರಿಯಲ್ಲಿ ಶೇ 0.20ರಷ್ಟು ಆಗಿದೆ ಎಂದು ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯ ತಿಳಿಸಿದೆ.

ಆದರೆ ಜನವರಿಗೆ ಹೋಲಿಸಿದರೆ ಫೆಬ್ರುವರಿಯಲ್ಲಿ ಆಹಾರದ ಹಣದುಬ್ಬರವು ಶೇ6.85ರಿಂದ ಶೇ 6.95ಕ್ಕೆ, ತರಕಾರಿಗಳ ದರವು ಶೇ 19.71ರಿಂದ ಶೇ 19.78ಕ್ಕೆ ಮತ್ತು ಬೇಳೆಕಾಳುಗಳ ದರವು ಶೇ 16.06ರಿಂದ ಶೇ 18.48ಕ್ಕೆ ಏರಿಕೆಯಾಗಿದೆ. ತಯಾರಿಕಾ ಉತ್ಪನ್ನಗಳ ಬೆಲೆಯು ಶೇ 1.13ರಿಂದ ಶೇ 1.27ಕ್ಕೆ ಇಳಿಕೆಯಾಗಿದೆ.

2023ರ ಫೆಬ್ರುವರಿಯಲ್ಲಿ ಸಗಟು ಹಣದುಬ್ಬರವು ಶೇ 3.85ರಷ್ಟಿತ್ತು. ಬಳಿಕ ಏಪ್ರಿಲ್‌ನಿಂದ ಅಕ್ಟೋಬರ್‌ವರೆಗೆ ಋಣಾತ್ಮಕ ವಲಯದಲ್ಲಿದ್ದ ಹಣದುಬ್ಬರವು ನವೆಂಬರ್‌ನಲ್ಲಿ ಶೇ 0.26ಕ್ಕೆ ಏರಿಕೆ ಆಗಿತ್ತು.