ಯೆಸ್ ಬ್ಯಾಂಕ್: ₹ 15 ಸಾವಿರ ಕೋಟಿ ಸಂಗ್ರಹದ ‘ಎಫ್‌ಪಿಒ‘
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಖಾಸಗಿ ವಲಯದ ಹೊಸ ತಲೆಮಾರಿನ ಬ್ಯಾಂಕ್‌ಗಳಲ್ಲಿ ಒಂದಾಗಿರುವ ಯೆಸ್ ಬ್ಯಾಂಕ್, ಷೇರುಗಳನ್ನು ಮಾರಾಟ ಮಾಡುವ ಪೂರಕ ಸಾರ್ವಜನಿಕ ನೀಡಿಕೆ (ಎಫ್‌ಪಿಒ) ಮೂಲಕ ₹ 15 ಸಾವಿರ ಕೋಟಿ ಬಂಡವಾಳ ಸಂಗ್ರಹಿಸಲು ಮುಂದಾಗಿದೆ.
ಈ ‘ಎಫ್‌ಪಿಒ’ ನೀಡಿಕೆಯು ಇದೇ 15ರಿಂದ ಆರಂಭವಾಗಿ 17ಕ್ಕೆ ಕೊನೆಗೊಳ್ಳಲಿದೆ. ಇದುವರೆಗಿನ ಯಾವುದೇ ಸಂಸ್ಥೆಯ ‘ಎಫ್‌ಪಿಒ’ಗಳಲ್ಲಿಯೇ ಇದು ದೊಡ್ಡ ಮೊತ್ತದ್ದಾಗಿದೆ.
’ಎಫ್‌ಪಿಒ’ ನೀಡಿಕೆಯಲ್ಲಿ ಅರ್ಹ ಸಾಂಸ್ಥಿಕ ಖರೀದಿದಾರರಿಗೆ ಶೇ 50, ಸಾಂಸ್ಥಿಕಯೇತರ ಬಿಡ್‌ದಾರರಿಗೆ ಶೇ 15 ಮತ್ತು ಸಾಮಾನ್ಯ ಬಿಡ್‌ದಾರರಿಗೆ ಶೇ 35ರಷ್ಟು ಷೇರುಗಳನ್ನು ಮೀಸಲು ಇರಿಸಲಾಗಿದೆ.
‘ಬ್ಯಾಂಕ್‌ನ ಎರಡು ವರ್ಷಗಳ ವಹಿವಾಟು ವಿಸ್ತರಣೆಗೆ ಈ ಮೊತ್ತ ಸಾಕಾಗಲಿದೆ’ ಎಂದು ಬ್ಯಾಂಕ್‌ನ ಸಿಇಒ ಪ್ರಶಾಂತ್ ಕುಮಾರ್‌ ಅವರು ಸೋಮವಾರ ನಡೆದ ವೆಬಿನಾರ್‌ನಲ್ಲಿ ತಿಳಿಸಿದ್ದಾರೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
