ಗುರುವಾರ , ಜೂನ್ 17, 2021
22 °C

ಅಮೆರಿಕನ್ ಡಾಲರ್ ಎದುರು 27 ಪೈಸೆ ಕುಸಿದ ಭಾರತದ ರೂಪಾಯಿ ಮೌಲ್ಯ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಮುಂಬೈ: ದುರ್ಬಲ ದೇಶೀಯ ಷೇರುಗಳು ಮತ್ತು ಬಲವಾದ ಅಮೆರಿಕನ್ ಕರೆನ್ಸಿಯಿಂದಾಗಿ ಬುಧವಾರ ದಿನದ ಆರಂಭಿಕ ವಹಿವಾಟಿನಲ್ಲಿ ಅಮೆರಿಕನ್‌ ಡಾಲರ್‌ ಎದುರು ಭಾರತದ ರೂಪಾಯಿ ಮೌಲ್ಯ 27 ಪೈಸೆ ಇಳಿಕೆ ಕಂಡು 75.17ಕ್ಕೆ ವಿನಿಮಯಗೊಂಡಿದೆ.

ಅಂತರಬ್ಯಾಂಕ್ ವಿದೇಶಿ ವಿನಿಮಯ ಕೇಂದ್ರದಲ್ಲಿ, ಡಾಲರ್ ಎದುರು ರೂಪಾಯಿ ಮೌಲ್ಯ ಆರಂಭದಲ್ಲಿ 73.13ಕ್ಕೆ ಇಳಿಯಿತು, ಬಳಿಕ, 73.17ಕ್ಕೆ ಮುಟ್ಟಿತು. ಇದು ಹಿಂದಿನ ಮುಕ್ತಾಯಕ್ಕಿಂತ 27 ಪೈಸೆ ಕುಸಿತವನ್ನು ದಾಖಲಿಸಿದೆ.

ಮಂಗಳವಾರ ಡಾಲರ್‌ ಎದುರು ರೂಪಾಯಿ ಮೌಲ್ಯ 75.90 ರಷ್ಟಿತ್ತು.

‘ಸಾಂಕ್ರಾಮಿಕ ಪರಿಸ್ಥಿತಿ ಮತ್ತು ಆರ್ಥಿಕ ಚೇತರಿಕೆಯ ಸುತ್ತಲಿನ ಅನಿಶ್ಚಿತತೆಗಳ ನಡುವೆ ಕರೆನ್ಸಿಯ ಭವಿಷ್ಯವು ಅನಿಶ್ಚಿತತೆಯಿಂದ ಉಳಿಯಬಹುದು’ ಎಂದು ರಿಲಯನ್ಸ್ ಸೆಕ್ಯುರಿಟೀಸ್ ಸಂಶೋಧನಾ ಟಿಪ್ಪಣಿಯಲ್ಲಿ ತಿಳಿಸಲಾಗಿದೆ.

ಏಷ್ಯಾದ ಹಲವು ಕರೆನ್ಸಿಗಳು ಇಂದು ಬೆಳಗ್ಗಿನ ವಹಿವಾಟಿನಲ್ಲಿ ಅಮೆರಿಕನ್ ಡಾಲರ್ ಎದುರು ಕುಸಿತ ಕಂಡಿವೆ.

ಈ ಮಧ್ಯೆ, ಆರು ಕರೆನ್ಸಿಗಳ ಬಾಸ್ಕೆಟ್ ಎದುರು ಡಾಲರ್ ಸೂಚ್ಯಂಕವು ಶೇಕಡಾ 0.08 ರಷ್ಟು ಏರಿಕೆ ಕಂಡು 89.90 ಕ್ಕೆ ತಲುಪಿದೆ.

 

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು