<p><strong>ನವದೆಹಲಿ (ಪಿಟಿಐ):</strong> ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಜಾರಿಗೆ ಸಂಬಂಧಿಸಿದ ಸಂವಿಧಾನ ತಿದ್ದುಪಡಿ ಮಸೂದೆಯನ್ನು ಮಂಗಳವಾರ ಕೇಂದ್ರ ಸಚಿವ ಸಂಪುಟ ಸಭೆ ಪರಿಗಣಿಸಲಿದೆ. <br /> <br /> ‘ಜಿಎಸ್ಟಿ’ ತೆರಿಗೆಯಿಂದ ದೇಶದಾದ್ಯಂತ ಏಕರೂಪದ ತೆರಿಗೆ ವ್ಯವಸ್ಥೆ ಜಾರಿಗೆ ಬರಲಿದೆ. ಮೂಲಗಳ ಪ್ರಕಾರ ಈ ಮಸೂದೆಯನ್ನು ಸಂಪುಟ ಪರಿಗಣಿಸಿದರೆ, ಈ ಅಧಿವೇಶನದಲ್ಲೇ ಇದು ಸಂಸತ್ತಿನಲ್ಲಿ ಮಂಡನೆಯಾಗುವ ಸಾಧ್ಯತೆ ಇದೆ. <br /> <br /> ಹಣಕಾಸು ಸಚಿವಾಲಯ ಮಸೂದೆಯ ಅಂತಿಮ ಕರಡನ್ನು ಸಿದ್ಧಪಡಿಸಿದೆ. ಈ ಹಿಂದೆ ಮೂರು ಬಾರಿ ಕೇಂದ್ರ ಸಿದ್ಧಪಡಿಸಿದ ಕರಡನ್ನು ತಮ್ಮ ಸ್ವಾಯತ್ತತೆಗೆ ಧಕ್ಕೆಯಾಗುತ್ತದೆ ಎನ್ನುವ ಕಾರಣ ನೀಡಿ ರಾಜ್ಯಗಳು ತಳ್ಳಿಹಾಕಿದ್ದವು. <br /> <br /> ಈಗ ಸಿದ್ಧವಾಗಿರುವ ನಾಲ್ಕನೆಯ ಕರಡು ಮಸೂದೆ, ಎರಡನೆಯ ಮತ್ತು ಮೂರನೆಯ ಮಸೂದೆಗಳ ಪ್ರಸ್ತಾವಗಳನ್ನು ಒಳಗೊಂಡಿದೆ. ರಾಷ್ಟ್ರಪತಿಗಳ ಸೂಚನೆಯ ಮೇರೆಗೆ ನೇಮಕಗೊಂಡಿರುವ ‘ಜೆಎಸ್ಟಿ ವಿಶೇಷ ಸಮಿತಿ’ ಈ ಮಸೂದೆಯಲ್ಲಿನ ಮಹತ್ವದ ವಿಷಯಗಳ ಕುರಿತು ಚರ್ಚೆ ನಡೆಸಿದೆ. <br /> <br /> ‘ಜಿಎಸ್ಟಿ’ ಮಸೂದೆ ಸಂಯೋಜನೆಗೆ ಸಂಬಂಧಿಸಿದಂತೆ ವಿವಾದ ಇತ್ಯರ್ಥ ಪ್ರಾಧಿಕಾರವೂ ಸಂವಿಧಾನ ತಿದ್ದುಪಡಿಯ ಒಂದು ಭಾಗವಾಗಿದ್ದು, ಇದನ್ನು ಕೂಡ ಸಂಸತ್ತು ನಿರ್ಧರಿಸುತ್ತದೆ. ಪೆಟ್ರೋಲಿಯಂ, ನೈರ್ಸಗಿಕ ಅನಿಲ, ಡೀಸೆಲ್ಗಳನ್ನು ‘ಜಿಎಸ್ಟಿ’ ಅಂತಿಮ ಕರಡು ಮಸೂದೆಯಿಂದ ಹೊರಗಿಡಲಾಗಿದೆ.<br /> <br /> ಈಗಾಗಲೇ ‘ಬಿಜೆಪಿ’ ಆಡಳಿತವಿರುವ ರಾಜ್ಯಗಳಲ್ಲಿ ‘ಜಿಎಸ್ಟಿ’ ಮಸೂದೆಗೆ ವಿರೋಧ ವ್ಯಕ್ತವಾಗಿದೆ. ಇದರಿಂದ ರಾಜ್ಯಗಳ ತೆರಿಗೆ ವಿಷಯದಲ್ಲಿ ಕೇಂದ್ರ ಹಣಕಾಸು ಸಚಿವರಿಗೆ ವಿಶೇಷ ಅಧಿಕಾರ (ವಿಟೊ) ಲಭಿಸಿದಂತಾಗುತ್ತದೆ ಎಂದು ಆರೋಪಿಸಿವೆ. <br /> <br /> ಏಪ್ರಿಲ್ 2010ರ ಗಡುವು ವಿಸ್ತರಣೆಯ ನಂತರ ಏಪ್ರಿಲ್ 2011ರಲ್ಲಿ ಮಸೂದೆ ಮಂಡಿಸಬೇಕು ಎಂದು ಸರ್ಕಾರ ನಿರ್ಧರಿಸಿತ್ತು. ‘ಜಿಎಸ್ಟಿ’ಯನ್ನು ಏಪ್ರಿಲ್ 1, 2012ರಿಂದ ಜಾರಿಗೆ ತರುವುದು ಕಷ್ಟ ಎಂದು ಕಂದಾಯ ಕಾರ್ಯದರ್ಶಿ ಸುನಿಲ್ ಮಿತ್ರಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ (ಪಿಟಿಐ):</strong> ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಜಾರಿಗೆ ಸಂಬಂಧಿಸಿದ ಸಂವಿಧಾನ ತಿದ್ದುಪಡಿ ಮಸೂದೆಯನ್ನು ಮಂಗಳವಾರ ಕೇಂದ್ರ ಸಚಿವ ಸಂಪುಟ ಸಭೆ ಪರಿಗಣಿಸಲಿದೆ. <br /> <br /> ‘ಜಿಎಸ್ಟಿ’ ತೆರಿಗೆಯಿಂದ ದೇಶದಾದ್ಯಂತ ಏಕರೂಪದ ತೆರಿಗೆ ವ್ಯವಸ್ಥೆ ಜಾರಿಗೆ ಬರಲಿದೆ. ಮೂಲಗಳ ಪ್ರಕಾರ ಈ ಮಸೂದೆಯನ್ನು ಸಂಪುಟ ಪರಿಗಣಿಸಿದರೆ, ಈ ಅಧಿವೇಶನದಲ್ಲೇ ಇದು ಸಂಸತ್ತಿನಲ್ಲಿ ಮಂಡನೆಯಾಗುವ ಸಾಧ್ಯತೆ ಇದೆ. <br /> <br /> ಹಣಕಾಸು ಸಚಿವಾಲಯ ಮಸೂದೆಯ ಅಂತಿಮ ಕರಡನ್ನು ಸಿದ್ಧಪಡಿಸಿದೆ. ಈ ಹಿಂದೆ ಮೂರು ಬಾರಿ ಕೇಂದ್ರ ಸಿದ್ಧಪಡಿಸಿದ ಕರಡನ್ನು ತಮ್ಮ ಸ್ವಾಯತ್ತತೆಗೆ ಧಕ್ಕೆಯಾಗುತ್ತದೆ ಎನ್ನುವ ಕಾರಣ ನೀಡಿ ರಾಜ್ಯಗಳು ತಳ್ಳಿಹಾಕಿದ್ದವು. <br /> <br /> ಈಗ ಸಿದ್ಧವಾಗಿರುವ ನಾಲ್ಕನೆಯ ಕರಡು ಮಸೂದೆ, ಎರಡನೆಯ ಮತ್ತು ಮೂರನೆಯ ಮಸೂದೆಗಳ ಪ್ರಸ್ತಾವಗಳನ್ನು ಒಳಗೊಂಡಿದೆ. ರಾಷ್ಟ್ರಪತಿಗಳ ಸೂಚನೆಯ ಮೇರೆಗೆ ನೇಮಕಗೊಂಡಿರುವ ‘ಜೆಎಸ್ಟಿ ವಿಶೇಷ ಸಮಿತಿ’ ಈ ಮಸೂದೆಯಲ್ಲಿನ ಮಹತ್ವದ ವಿಷಯಗಳ ಕುರಿತು ಚರ್ಚೆ ನಡೆಸಿದೆ. <br /> <br /> ‘ಜಿಎಸ್ಟಿ’ ಮಸೂದೆ ಸಂಯೋಜನೆಗೆ ಸಂಬಂಧಿಸಿದಂತೆ ವಿವಾದ ಇತ್ಯರ್ಥ ಪ್ರಾಧಿಕಾರವೂ ಸಂವಿಧಾನ ತಿದ್ದುಪಡಿಯ ಒಂದು ಭಾಗವಾಗಿದ್ದು, ಇದನ್ನು ಕೂಡ ಸಂಸತ್ತು ನಿರ್ಧರಿಸುತ್ತದೆ. ಪೆಟ್ರೋಲಿಯಂ, ನೈರ್ಸಗಿಕ ಅನಿಲ, ಡೀಸೆಲ್ಗಳನ್ನು ‘ಜಿಎಸ್ಟಿ’ ಅಂತಿಮ ಕರಡು ಮಸೂದೆಯಿಂದ ಹೊರಗಿಡಲಾಗಿದೆ.<br /> <br /> ಈಗಾಗಲೇ ‘ಬಿಜೆಪಿ’ ಆಡಳಿತವಿರುವ ರಾಜ್ಯಗಳಲ್ಲಿ ‘ಜಿಎಸ್ಟಿ’ ಮಸೂದೆಗೆ ವಿರೋಧ ವ್ಯಕ್ತವಾಗಿದೆ. ಇದರಿಂದ ರಾಜ್ಯಗಳ ತೆರಿಗೆ ವಿಷಯದಲ್ಲಿ ಕೇಂದ್ರ ಹಣಕಾಸು ಸಚಿವರಿಗೆ ವಿಶೇಷ ಅಧಿಕಾರ (ವಿಟೊ) ಲಭಿಸಿದಂತಾಗುತ್ತದೆ ಎಂದು ಆರೋಪಿಸಿವೆ. <br /> <br /> ಏಪ್ರಿಲ್ 2010ರ ಗಡುವು ವಿಸ್ತರಣೆಯ ನಂತರ ಏಪ್ರಿಲ್ 2011ರಲ್ಲಿ ಮಸೂದೆ ಮಂಡಿಸಬೇಕು ಎಂದು ಸರ್ಕಾರ ನಿರ್ಧರಿಸಿತ್ತು. ‘ಜಿಎಸ್ಟಿ’ಯನ್ನು ಏಪ್ರಿಲ್ 1, 2012ರಿಂದ ಜಾರಿಗೆ ತರುವುದು ಕಷ್ಟ ಎಂದು ಕಂದಾಯ ಕಾರ್ಯದರ್ಶಿ ಸುನಿಲ್ ಮಿತ್ರಾ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
