<p>ಈ ಜಿರಾಫೆ ಒಂದು ಸುಂದರವಾದ ಪ್ರಾಣಿ. ನೋಡಲು ತುಂಬ ದೊಡ್ಡದಾದ ಪ್ರಾಣಿಯಾದರೂ ತುಂಬ ಸಾಧು. ದೇಹಕ್ಕೆ ಅಗತ್ಯಕ್ಕಿಂತ ಹೆಚ್ಚೆನ್ನುವಷ್ಟು ಉದ್ದದ ಕತ್ತನ್ನು ಹೊತ್ತುಕೊಂಡು ಜೋಲಿ ಹೊಡೆಯುತ್ತಲೇ ನಡೆಯುತ್ತದೆ, ಓಡುತ್ತದೆ.<br /> <br /> ಅಷ್ಟು ದೊಡ್ಡ ದೇಹವನ್ನು ಕೇವಲ ಸಸ್ಯಾಹಾರಿಯಾಗಿಯೇ ಕಾಪಾಡಿಕೊಳ್ಳುತ್ತದೆ. ಎದ್ದು ನಿಂತಂತೆಯೇ ಮರಿ ಹಾಕುವ ಅತ್ಯಂತ ದೊಡ್ಡದಾದ ಏಕಮಾತ್ರ ಸಸ್ತನಿ ಪ್ರಾಣಿ ಜಿರಾಫೆ.<br /> <br /> ಆ ಎತ್ತರದಿಂದ ದೊಪ್ಪನೇ ಕೆಳಗೆ ಬೀಳುವ ಮರಿಗೆ ಹೇಗೆನ್ನಿಸುತ್ತದೋ ದೇವರೇ ಬಲ್ಲ. ತಾಯಿಯ ಹೊಟ್ಟೆಯಲ್ಲಿ ಬೆಚ್ಚಗೆ ಚಿಂತೆಯಲ್ಲದೇ ಕುಳಿತಿದ್ದ ಮರಿಗೆ ಹೊಸ ಜಗತ್ತಿನ ಪರಿಚಯವಾಗುವುದೇ ಬೀಳುವುದರಿಂದ. ಕೆಳಗೆ ಬಿದ್ದ ಪೆಟ್ಟಿನಿಂದ ಗಾಬರಿಯಾದ ಮರಿ ಚೇತರಿಸಿಕೊಳ್ಳುವುದರಲ್ಲಿಯೇ ಮತ್ತೊಂದು ಹೊಸ ಅನುಭವ ಅದಕ್ಕಾಗುತ್ತದೆ.<br /> <br /> ಮರಿ ಸಾವರಿಸಿಕೊಂಡು, ತಡವರಿಸಿಕೊಂಡು ಮೊಣಕಾಲೂರಿ ಎದ್ದು ನಿಲ್ಲಲು ಪ್ರಯತ್ನಿಸುತ್ತದೆ. ಆಗ ತಾಯಿ ಜಿರಾಫೆ ಮಗುವಿಗೆ ಏಳಲು ಸಹಾಯಮಾಡುತ್ತದೆ. ಮರಿ ಸಾವಧಾನವಾಗಿ ಎದ್ದು ನಿಂತೊಡನೆ ಮುಂದೆ ಸರಿದು ತನ್ನ ಹಿಂದಿನ ಕಾಲಿನಿಂದ ಮರಿಯನ್ನು ಥಟ್ಟನೇ ಒದ್ದು ಕೆಡವಿಬಿಡುತ್ತದೆ.<br /> <br /> ಮರಿಗೆ ಪೆಟ್ಟು ಬೀಳುವುದರೊಂದಿಗೆ ಬಿರುಸಾದ ನೆಲದ ಮೇಲೆ ಬಿದ್ದು ಗಾಬರಿಗೆ ಒಳಗಾಗುತ್ತದೆ. ಅಮ್ಮ ಹೀಗೇಕೆ ಮಾಡಿದಳು ಎಂದು ಯೋಚಿಸುತ್ತದೆ. ಮೊದಲು ಎದ್ದು ನಿಲ್ಲಲು ಸಹಾಯಮಾಡಿದ ತಾಯಿ ಮತ್ತೇಕೆ ಒದ್ದು ಕೆಡವಿದಳು ಎಂದುಕೊಳ್ಳುತ್ತ ದೈನ್ಯದಿಂದ ತಾಯಿಯ ಮುಖ ನೋಡುತ್ತದೆ.</p>.<p>ಆದರೆ, ತಾಯಿಯ ಮುಖದಲ್ಲಿ ಕೋಪವಿಲ್ಲ, ಉಗ್ರತೆಯಿಲ್ಲ. ಅದೇ ಪ್ರೀತಿ, ಅಂತಃಕರಣ ತುಂಬಿದ ಮುಖ. ತಾಯಿ ತನ್ನ ನಾಲಿಗೆ ಚಾಚಿ ಮಗುವನ್ನು ನೆಕ್ಕಿ ಪ್ರೀತಿ ತೋರುತ್ತದೆ, ಕಾಲಿನಿಂದ ತಿವಿದು ತಿವಿದು ಮತ್ತೆ ಎದ್ದು ನಿಲ್ಲುವಂತೆ ಪ್ರಚೋದಿಸುತ್ತದೆ, ನೆಲಕ್ಕೆ ಬಿದ್ದ ಮರಿಗೆ ಉತ್ತೇಜನ ಕೊಡುತ್ತದೆ.</p>.<p>ಮರಿ ಮರುಪ್ರಯತ್ನ ಮಾಡುತ್ತ, ಓಲಾಡುತ್ತ ಕಷ್ಟಪಟ್ಟು ಎದ್ದು ನಿಲ್ಲುತ್ತದೆ. ಒಂದು ಬಾರಿ ಮರಿ ಪೂರ್ತಿ ಎದ್ದು ನಿಂತಿತೋ ತಕ್ಷಣ ಬೀಳುತ್ತದೆ ತಾಯಿಯ ಹಿಂಗಾಲಿನ ಒದೆತ. ಮತ್ತೆ ಮರಿ ನೆಲಕ್ಕೆ ಬೀಳುತ್ತದೆ. <br /> <br /> ಇದೇ ರೀತಿ ಹಲವಾರು ಬಾರಿ ನಡೆಯುತ್ತದೆ. ದೂರ ನಿಂತು ನೋಡುವವರಿಗೆ ಇದೆಂಥ ತಾಯಿಯ ಪ್ರೀತಿ ಎನ್ನಿಸುತ್ತದೆ. ಅದೇನು ಆಟವೋ, ಪ್ರೀತಿ ತೋರಿಸುವ ರೀತಿಯೋ ಯಾರು ಬಲ್ಲರು. <br /> <br /> ಆದರೆ, ಒಂದು ಮಾತು ನಿಜ, ಎಲ್ಲ ತಾಯಿಯರಂತೆ ಅದು ತನ್ನ ಮಗುವನ್ನು ತನ್ನ ಜೀವಕ್ಕಿಂತ ಹೆಚ್ಚಾಗಿ ಪ್ರೀತಿಸುತ್ತದೆ. ಅದಕ್ಕೆ ಇನ್ನೊಂದು ವಿಷಯ ಚೆನ್ನಾಗಿ ಗೊತ್ತು. ಅದೆಂದರೆ ತನ್ನ ಪುಟ್ಟ ಮಗುವಿನ ರುಚಿಯಾದ ಮಾಂಸಕ್ಕಾಗಿ ಅನೇಕ ಕಾಡು ಪ್ರಾಣಿಗಳು ಕಾಯ್ದುಕೊಂಡು ಕುಳಿತಿವೆ.<br /> <br /> ಅವುಗಳಿಂದ ತನ್ನ ಪುಟ್ಟ ಕಂದಮ್ಮ ಪಾರಾಗಬೇಕಾದರೆ ದೂರ ಹೋಗಬೇಕು. ಅದಕ್ಕಾಗಿ ಬೇಗ ಬೇಗ ನಡೆಯಬೇಕು. ಕಾಡಿನ ರಾಜ್ಯದಲ್ಲಿ ಕರುಣೆ ಇಲ್ಲ. ಪುಟ್ಟ ಮರಿ, ಇನ್ನೂ ಪಾಪ ಚಿಕ್ಕದು. ಬಿಟ್ಟು ಬಿಡೋಣವೆಂಬ ಧೋರಣೆ ಇಲ್ಲ. ಸಿಕ್ಕರೆ ಸಾಕು ಹೊಡೆದು ತಿನ್ನಲು ಹೊಂಚುಹಾಕಿವೆ ಮೃಗಗಳು.<br /> <br /> ತನ್ನ ಮರಿಯನ್ನು ಅವುಗಳಿಂದ ಪಾರು ಮಾಡಲು ತಾಯಿಗೆ ಅದೊಂದೇ ದಾರಿ. ಒದ್ದು ಕೆಡವಿ, ಮತ್ತೆ ಮೇಲೆತ್ತಿ ಕಾಲುಗಳನ್ನು ಬೇಗ ಬಲಪಡಿಸಿ ಓಡಲು ಅನುವು ಮಾಡುವುದು. ಅದೇ ತಾಯಿ ತನ್ನ ಕಂದನಿಗೆ ತೋರುವ ಪ್ರೀತಿಯ ರೀತಿ. ಈ ಮಾರ್ಗ ಮನುಷ್ಯರಲ್ಲಿ ಸಾಧ್ಯವಿಲ್ಲ ಮತ್ತು ಬೇಕಿಲ್ಲ. <br /> <br /> ಆದರೆ, ಮೂಲತತ್ವ ಎರಡರಲ್ಲೂ ಒಂದೇ. ನಮ್ಮವರಿಗೆ ನಾವು ಒಳ್ಳೆಯದನ್ನು ಮಾಡಲೇಬೇಕೆಂದು ಹೊರಟಾಗ ತೋರುವ ಮಾರ್ಗವೇ ಪ್ರೀತಿಯನ್ನು ತೋರುವ ರೀತಿ. ಆ ತಿದ್ದುವ ವಿಧಾನ ಸ್ವಲ್ಪ ಕಠೋರವಾಗಿರಬಹುದು, ಮನಸ್ಸಿಗೆ ಮುಜುಗರವಾಗಬಹುದು. ಅದನ್ನು ಆಗ ಜನ ಮೆಚ್ಚಿಕೊಳ್ಳಲಿಕ್ಕಿಲ್ಲ. <br /> <br /> ಒರಟು ಎನ್ನಿಸಬಹುದು, ತಪ್ಪು ಎನ್ನಿಸಬಹುದು. ಆದರೆ, ಅದರಿಂದ ಪ್ರಯೋಜನವಾದ ಮೇಲೆ ಆಗ ಹಾಗೆ ಮಾಡಿದ್ದು ನನಗೆ ಒಳ್ಳೆಯದೇ ಆಯಿತು ಎನ್ನಿಸದಿರಲಿಕ್ಕಿಲ್ಲ. ನೋಟಕ್ಕೆ ಅಷ್ಟು ಪ್ರಿಯವಾಗದಿದ್ದ ನಡತೆ ಜೀವನಕ್ಕೆ ಪ್ರಯೋಜನಕಾರಿಯಾಗಿರುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈ ಜಿರಾಫೆ ಒಂದು ಸುಂದರವಾದ ಪ್ರಾಣಿ. ನೋಡಲು ತುಂಬ ದೊಡ್ಡದಾದ ಪ್ರಾಣಿಯಾದರೂ ತುಂಬ ಸಾಧು. ದೇಹಕ್ಕೆ ಅಗತ್ಯಕ್ಕಿಂತ ಹೆಚ್ಚೆನ್ನುವಷ್ಟು ಉದ್ದದ ಕತ್ತನ್ನು ಹೊತ್ತುಕೊಂಡು ಜೋಲಿ ಹೊಡೆಯುತ್ತಲೇ ನಡೆಯುತ್ತದೆ, ಓಡುತ್ತದೆ.<br /> <br /> ಅಷ್ಟು ದೊಡ್ಡ ದೇಹವನ್ನು ಕೇವಲ ಸಸ್ಯಾಹಾರಿಯಾಗಿಯೇ ಕಾಪಾಡಿಕೊಳ್ಳುತ್ತದೆ. ಎದ್ದು ನಿಂತಂತೆಯೇ ಮರಿ ಹಾಕುವ ಅತ್ಯಂತ ದೊಡ್ಡದಾದ ಏಕಮಾತ್ರ ಸಸ್ತನಿ ಪ್ರಾಣಿ ಜಿರಾಫೆ.<br /> <br /> ಆ ಎತ್ತರದಿಂದ ದೊಪ್ಪನೇ ಕೆಳಗೆ ಬೀಳುವ ಮರಿಗೆ ಹೇಗೆನ್ನಿಸುತ್ತದೋ ದೇವರೇ ಬಲ್ಲ. ತಾಯಿಯ ಹೊಟ್ಟೆಯಲ್ಲಿ ಬೆಚ್ಚಗೆ ಚಿಂತೆಯಲ್ಲದೇ ಕುಳಿತಿದ್ದ ಮರಿಗೆ ಹೊಸ ಜಗತ್ತಿನ ಪರಿಚಯವಾಗುವುದೇ ಬೀಳುವುದರಿಂದ. ಕೆಳಗೆ ಬಿದ್ದ ಪೆಟ್ಟಿನಿಂದ ಗಾಬರಿಯಾದ ಮರಿ ಚೇತರಿಸಿಕೊಳ್ಳುವುದರಲ್ಲಿಯೇ ಮತ್ತೊಂದು ಹೊಸ ಅನುಭವ ಅದಕ್ಕಾಗುತ್ತದೆ.<br /> <br /> ಮರಿ ಸಾವರಿಸಿಕೊಂಡು, ತಡವರಿಸಿಕೊಂಡು ಮೊಣಕಾಲೂರಿ ಎದ್ದು ನಿಲ್ಲಲು ಪ್ರಯತ್ನಿಸುತ್ತದೆ. ಆಗ ತಾಯಿ ಜಿರಾಫೆ ಮಗುವಿಗೆ ಏಳಲು ಸಹಾಯಮಾಡುತ್ತದೆ. ಮರಿ ಸಾವಧಾನವಾಗಿ ಎದ್ದು ನಿಂತೊಡನೆ ಮುಂದೆ ಸರಿದು ತನ್ನ ಹಿಂದಿನ ಕಾಲಿನಿಂದ ಮರಿಯನ್ನು ಥಟ್ಟನೇ ಒದ್ದು ಕೆಡವಿಬಿಡುತ್ತದೆ.<br /> <br /> ಮರಿಗೆ ಪೆಟ್ಟು ಬೀಳುವುದರೊಂದಿಗೆ ಬಿರುಸಾದ ನೆಲದ ಮೇಲೆ ಬಿದ್ದು ಗಾಬರಿಗೆ ಒಳಗಾಗುತ್ತದೆ. ಅಮ್ಮ ಹೀಗೇಕೆ ಮಾಡಿದಳು ಎಂದು ಯೋಚಿಸುತ್ತದೆ. ಮೊದಲು ಎದ್ದು ನಿಲ್ಲಲು ಸಹಾಯಮಾಡಿದ ತಾಯಿ ಮತ್ತೇಕೆ ಒದ್ದು ಕೆಡವಿದಳು ಎಂದುಕೊಳ್ಳುತ್ತ ದೈನ್ಯದಿಂದ ತಾಯಿಯ ಮುಖ ನೋಡುತ್ತದೆ.</p>.<p>ಆದರೆ, ತಾಯಿಯ ಮುಖದಲ್ಲಿ ಕೋಪವಿಲ್ಲ, ಉಗ್ರತೆಯಿಲ್ಲ. ಅದೇ ಪ್ರೀತಿ, ಅಂತಃಕರಣ ತುಂಬಿದ ಮುಖ. ತಾಯಿ ತನ್ನ ನಾಲಿಗೆ ಚಾಚಿ ಮಗುವನ್ನು ನೆಕ್ಕಿ ಪ್ರೀತಿ ತೋರುತ್ತದೆ, ಕಾಲಿನಿಂದ ತಿವಿದು ತಿವಿದು ಮತ್ತೆ ಎದ್ದು ನಿಲ್ಲುವಂತೆ ಪ್ರಚೋದಿಸುತ್ತದೆ, ನೆಲಕ್ಕೆ ಬಿದ್ದ ಮರಿಗೆ ಉತ್ತೇಜನ ಕೊಡುತ್ತದೆ.</p>.<p>ಮರಿ ಮರುಪ್ರಯತ್ನ ಮಾಡುತ್ತ, ಓಲಾಡುತ್ತ ಕಷ್ಟಪಟ್ಟು ಎದ್ದು ನಿಲ್ಲುತ್ತದೆ. ಒಂದು ಬಾರಿ ಮರಿ ಪೂರ್ತಿ ಎದ್ದು ನಿಂತಿತೋ ತಕ್ಷಣ ಬೀಳುತ್ತದೆ ತಾಯಿಯ ಹಿಂಗಾಲಿನ ಒದೆತ. ಮತ್ತೆ ಮರಿ ನೆಲಕ್ಕೆ ಬೀಳುತ್ತದೆ. <br /> <br /> ಇದೇ ರೀತಿ ಹಲವಾರು ಬಾರಿ ನಡೆಯುತ್ತದೆ. ದೂರ ನಿಂತು ನೋಡುವವರಿಗೆ ಇದೆಂಥ ತಾಯಿಯ ಪ್ರೀತಿ ಎನ್ನಿಸುತ್ತದೆ. ಅದೇನು ಆಟವೋ, ಪ್ರೀತಿ ತೋರಿಸುವ ರೀತಿಯೋ ಯಾರು ಬಲ್ಲರು. <br /> <br /> ಆದರೆ, ಒಂದು ಮಾತು ನಿಜ, ಎಲ್ಲ ತಾಯಿಯರಂತೆ ಅದು ತನ್ನ ಮಗುವನ್ನು ತನ್ನ ಜೀವಕ್ಕಿಂತ ಹೆಚ್ಚಾಗಿ ಪ್ರೀತಿಸುತ್ತದೆ. ಅದಕ್ಕೆ ಇನ್ನೊಂದು ವಿಷಯ ಚೆನ್ನಾಗಿ ಗೊತ್ತು. ಅದೆಂದರೆ ತನ್ನ ಪುಟ್ಟ ಮಗುವಿನ ರುಚಿಯಾದ ಮಾಂಸಕ್ಕಾಗಿ ಅನೇಕ ಕಾಡು ಪ್ರಾಣಿಗಳು ಕಾಯ್ದುಕೊಂಡು ಕುಳಿತಿವೆ.<br /> <br /> ಅವುಗಳಿಂದ ತನ್ನ ಪುಟ್ಟ ಕಂದಮ್ಮ ಪಾರಾಗಬೇಕಾದರೆ ದೂರ ಹೋಗಬೇಕು. ಅದಕ್ಕಾಗಿ ಬೇಗ ಬೇಗ ನಡೆಯಬೇಕು. ಕಾಡಿನ ರಾಜ್ಯದಲ್ಲಿ ಕರುಣೆ ಇಲ್ಲ. ಪುಟ್ಟ ಮರಿ, ಇನ್ನೂ ಪಾಪ ಚಿಕ್ಕದು. ಬಿಟ್ಟು ಬಿಡೋಣವೆಂಬ ಧೋರಣೆ ಇಲ್ಲ. ಸಿಕ್ಕರೆ ಸಾಕು ಹೊಡೆದು ತಿನ್ನಲು ಹೊಂಚುಹಾಕಿವೆ ಮೃಗಗಳು.<br /> <br /> ತನ್ನ ಮರಿಯನ್ನು ಅವುಗಳಿಂದ ಪಾರು ಮಾಡಲು ತಾಯಿಗೆ ಅದೊಂದೇ ದಾರಿ. ಒದ್ದು ಕೆಡವಿ, ಮತ್ತೆ ಮೇಲೆತ್ತಿ ಕಾಲುಗಳನ್ನು ಬೇಗ ಬಲಪಡಿಸಿ ಓಡಲು ಅನುವು ಮಾಡುವುದು. ಅದೇ ತಾಯಿ ತನ್ನ ಕಂದನಿಗೆ ತೋರುವ ಪ್ರೀತಿಯ ರೀತಿ. ಈ ಮಾರ್ಗ ಮನುಷ್ಯರಲ್ಲಿ ಸಾಧ್ಯವಿಲ್ಲ ಮತ್ತು ಬೇಕಿಲ್ಲ. <br /> <br /> ಆದರೆ, ಮೂಲತತ್ವ ಎರಡರಲ್ಲೂ ಒಂದೇ. ನಮ್ಮವರಿಗೆ ನಾವು ಒಳ್ಳೆಯದನ್ನು ಮಾಡಲೇಬೇಕೆಂದು ಹೊರಟಾಗ ತೋರುವ ಮಾರ್ಗವೇ ಪ್ರೀತಿಯನ್ನು ತೋರುವ ರೀತಿ. ಆ ತಿದ್ದುವ ವಿಧಾನ ಸ್ವಲ್ಪ ಕಠೋರವಾಗಿರಬಹುದು, ಮನಸ್ಸಿಗೆ ಮುಜುಗರವಾಗಬಹುದು. ಅದನ್ನು ಆಗ ಜನ ಮೆಚ್ಚಿಕೊಳ್ಳಲಿಕ್ಕಿಲ್ಲ. <br /> <br /> ಒರಟು ಎನ್ನಿಸಬಹುದು, ತಪ್ಪು ಎನ್ನಿಸಬಹುದು. ಆದರೆ, ಅದರಿಂದ ಪ್ರಯೋಜನವಾದ ಮೇಲೆ ಆಗ ಹಾಗೆ ಮಾಡಿದ್ದು ನನಗೆ ಒಳ್ಳೆಯದೇ ಆಯಿತು ಎನ್ನಿಸದಿರಲಿಕ್ಕಿಲ್ಲ. ನೋಟಕ್ಕೆ ಅಷ್ಟು ಪ್ರಿಯವಾಗದಿದ್ದ ನಡತೆ ಜೀವನಕ್ಕೆ ಪ್ರಯೋಜನಕಾರಿಯಾಗಿರುತ್ತದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
