ನಾಲ್ವರು ವಿದ್ಯಾರ್ಥಿಗಳು ನೀರುಪಾಲು

ನಗರದ ಸಂತ ಜೋಸೆಫ್‌ ಶಾಲೆಯಲ್ಲಿ ಎಸ್ಎಸ್ಎಲ್‌ಸಿಯಲ್ಲಿ ವ್ಯಾಸಂಗ ಮಾಡುತ್ತಿದ್ದ ಭರತ್‌, ಧನಂಜಯ, ಯಶ್ವಂತ್‌ ಮತ್ತು ಅಜಯ್ ಮೃತಪಟ್ಟವರು. ಧನಂಜಯ, ಯಶ್ವಂತ್ ಮೃತದೇಹಗಳು ಪತ್ತೆಯಾಗಿದ್ದು, ಮತ್ತೆರಡು ಶವಗಳಿಗೆ ಶೋಧ ನಡೆದಿದೆ. ಪೂರ್ವಸಿದ್ಧತಾ ಪರೀಕೆ ಬರೆದು, ಪೋಷಕರಿಗೆ ವಿಷಯ ತಿಳಿಸದೆ ಒಂದೇ ದ್ವಿಚಕ್ರ ವಾಹನದಲ್ಲಿ ನಾಲ್ವರೂ ತೆರಳಿದ್ದರು.

‘ರಾತ್ರಿಯಾದ್ದರಿಂದ ಶವ ಹುಡುಕುವುದು ಕಷ್ಟಸಾಧ್ಯ. ಗಾಳಿ ವೇಗ ಹೆಚ್ಚಾಗಿರುವುದರಿಂದ ತೆಪ್ಪದಲ್ಲಿ ಶೋಧ ನಡೆಸುವುದು ಕ್ಲಿಷ್ಟಕರ. ಕಾರ್ಯಾಚರಣೆ ಸ್ಥಗಿತಗೊಳಿಸಿದ್ದು, ಬುಧವಾರ ಬೆಳಿಗ್ಗೆ ಮುಂದುವರಿಸಲಾಗುವುದು’ ಎಂದು ಡಿವೈಎಸ್ಪಿ ಭಾಸ್ಕರ್ ರೈ ತಿಳಿಸಿದರು.