ಹೌದು, ಒಳ್ಳೆಯ ಗುಣಗಳನ್ನು ಮೈಗೂಡಿಸಿಕೊಳ್ಳುವುದು ತುಂಬ ಕಷ್ಟ. ಆದರೆ ಕೆಟ್ಟತನಕ್ಕೆ ಆಕರ್ಷಣೆಯ ಬಲ ಹೆಚ್ಚು; ರುಚಿಯೂ ಹೆಚ್ಚು. ಆದರೆ ಕೆಟ್ಟ ಗುಣಗಳಿಂದ ಕೆಟ್ಟ ಪರಿಣಾಮಗಳೇ ಉಂಟಾಗುತ್ತವೆ. ದಿಟ, ಆರಂಭದಲ್ಲಿ ಕೆಟ್ಟಗುಣಗಳು ಅವು ನಮಗೆ ಒಳ್ಳೆಯದನ್ನೇ ಮಾಡುತ್ತಿದೆ ಎಂಬಂಥ ಭ್ರಾಂತಿಯನ್ನು ಉಂಟುಮಾಡುತ್ತವೆ. ನಾವು ಇಂಥ ಆಮಿಷಗಳನ್ನು ಗೆದ್ದು, ಒಳ್ಳೆಯ ಗುಣಗಳ ಕಡೆಗೇ ನಮ್ಮ ಮನಸ್ಸನ್ನು ಕೇಂದ್ರಿಕರಿಸಿಕೊಳ್ಳಬೇಕು. ನಿಧಾನವಾದರೂ ಒಳ್ಳೆಯ ಗುಣಗಳಿಗೆ ಸಿಗುವ ಸ್ಥಾನ ಶಾಶ್ವತವಾಗಿರುತ್ತದೆ.