ದಿನದ ಸೂಕ್ತಿ | ಜಿಪುಣ ಮತ್ತು ಉದಾರಿ

ಉಭಯೋರ್ನಾಸ್ತಿ ಭೋಗೇಚ್ಛಾ ಪರಾರ್ಥಂ ಧನಸಂಚಯಃ ।

. ಕೃಪಣೋದಾರಯೋಃ ಪಶ್ಯ ತಥಾಪಿ ಮಹದಂತರಮ್ ।।

. ಇದರ ತಾತ್ಪರ್ಯ ಹೀಗೆ:

. ’ಜಿಪುಣ ಮತ್ತು ಉದಾರಿ – ಇವರಿಬ್ಬರಿಗೂ ನಾವು ಅನುಭವಿಸಬೇಕೆಂಬ ಇಚ್ಛೆ ಇಲ್ಲ; ಇಬ್ಬರೂ ಮತ್ತೊಬ್ಬರಿಗಾಗಿಯೇ ಹಣವನ್ನು ಕೂಡಿಡುವುದು. ಆದರೂ ಇಬ್ಬರಲ್ಲಿ ಇರುವ ಅಪಾರವಾದ ವ್ಯತ್ಯಾಸವನ್ನು ನೋಡು.‘

. ಈ ಸುಭಾಷಿತವನ್ನು ಕೇಳಿದ ತತ್ಕ್ಷಣ ಹೊಳೆದ ಹೋಲಿಕೆ. ಭಯೋತ್ಪಾದಕ ಮತ್ತು ಸೈನಿಕರ ಉದಾಹರಣೆ; ಇವರಿಬ್ಬರೂ ಬಂದೂಕನ್ನು ಹಿಡಿದವರೇ. ಆದರೆ ಇಬ್ಬರು ಅದನ್ನು ಬಳಸುವ ಉದ್ದೇಶದಲ್ಲಿ ಎಷ್ಟು ವ್ಯತ್ಯಾಸ ಇದೆಯಲ್ಲವೆ?

. ಇರಲಿ, ಸುಭಾಷಿತದ ವಿವರಣೆಯನ್ನು ನೋಡೋಣ.

. ಜಿಪುಣ – ಎಂದರೆ ಯಾರು? ಯಾರು ತನ್ನ ಹಣವನ್ನೂ ಸಂಪತ್ತನ್ನೂ ತನಗಾಗಿ ಖರ್ಚು ಮಾಡುವುದಿಲ್ಲವೋ, ಅವನು ಜಿಪುಣ. ಅವನು ತನ್ನ ಸಂಪಾದನೆಯ ಒಂದೇ ಒಂದು ಪೈಸೆಯನ್ನೂ ತನಗಾಗಿ ಬಳಸಿಕೊಳ್ಳಲು ಇಚ್ಛಿಸಲಾರ, ಪಾಪ! ಹಾಗಾದರೆ ಅವನು ಸಂಪತ್ತನ್ನು ಏಕಾದರೂ ಹೀಗೆ ಸಂಗ್ರಹಿಸುತ್ತಾನೆ?

. ಉದಾರಿ – ಎಂದರೆ ಯಾರು? ಯಾರು ತನ್ನ ಹಣವನ್ನೂ ಸಂಪತ್ತನ್ನೂ ತನಗಾಗಿ ಖರ್ಚು ಮಾಡುವುದಿಲ್ಲವೋ, ಅವನು ಉದಾರಿ. ಅವನು ತನ್ನ ಸಂಪಾದನೆಯ ಒಂದೇ ಒಂದು ಪೈಸೆಯನ್ನೂ ತನಗಾಗಿ ಬಳಸಿಕೊಳ್ಳಲು ಇಚ್ಛಿಸುವುದಿಲ್ಲ, ಪಾಪ! ಹಾಗಾದರೆ ಅವನು ಸಂಪತ್ತನ್ನು ಏಕಾದರೂ ಹೀಗೆ ಸಂಗ್ರಹಿಸುತ್ತಾನೆ?

. ಅಂದರೆ, ಜಿಪುಣ ಮತ್ತು ಉದಾರಿ – ಇವರಿಬ್ಬರ ನಡುವೆ ವ್ಯತ್ಯಾಸವೇ ಇಲ್ಲವೆ? ಈ ಇಬ್ಬರೂ ತಮಗಾಗಿ ತಮ್ಮ ಸಂಪತ್ತನ್ನು ಬಳಸಿಕೊಳ್ಳುವುದಿಲ್ಲ. ಹಾಗಾದರೆ ಹೀಗೆ ಸಂಗ್ರಹಿಸುವುದಾದರೂ ಏಕೆ? ಇಬ್ಬರೂ ಪರರಿಗಾಗಿಯೇ, ಮತ್ತೊಬ್ಬರಿಗಾಗಿಯೇ ಸಂಗ್ರಹಿಸುವುದು. ಇಲ್ಲೂ ಇಬ್ಬರ ನಡುವೆ ವ್ಯತ್ಯಾಸವಿಲ್ಲವಲ್ಲ! ಹೌದು, ಇಲ್ಲಿ ತನಕ ವ್ಯತ್ಯಾಸ ಇಲ್ಲ. ಆದರೆ ಈ ‘ಪರರು‘ ಯಾರು ಎಂದು ನೋಡುವಾಗ ಜಿಪುಣನಿಗೂ ಉದಾರಿಗೂ ಇರುವ ವ್ಯತ್ಯಾಸ ತಿಳಿಯುತ್ತದೆ.

. ಜಿಪುಣನ ದೃಷ್ಟಿಯಲ್ಲಿ ’ಪರರು‘ ಎಂದರೆ ಅವನ ಹೆಂಡತಿ, ತಂದೆ, ತಾಯಿ, ಮಕ್ಕಳು, ಅಳಿಯಂದಿರು, ಸೊಸೆಯಂದಿರು, ಮೊಮ್ಮಕ್ಕಳು, ಅವರ ಮೊಮ್ಮಕ್ಕಳು ... ಹೀಗೆ ಅವನ ಕುಟುಂಬದವರೆಲ್ಲರೂ ಸೇರುತ್ತಾರೆ.

. ಉದಾರಿಯ ದೃಷ್ಟಿಯಲ್ಲಿ ’ಪರರು‘ ಎಂದರೆ ಸಮಾಜ, ಸಮಾಜ, ಸಮಾಜ... ಇಡಿಯ ಸಮಾಜವೇ ನನ್ನ ಕುಟುಂಬ ಎಂಬಂಥ ನಿಲುವು. ಈ ಶ್ಲೋಕವನ್ನು ನೋಡಿ, ಈ ಭಾವವನ್ನು ಎಷ್ಟು ಚೆನ್ನಾಗಿ ಹೇಳಿದೆ:

. ಅಯಂ ನಿಜಃ ಪರೋ ವೇತಿ ಗಣನಾ ಲಘುಚೇತಸಾಮ್ ।

. ಉದಾರಚರಿತಾನಾಂ ತು ವಸುಧೈವ ಕುಟುಂಬಕಮ್ ।।

. ’ಇವನು ನನ್ನವನು, ಇವನು ಬೇರೆಯವನು – ಎಂಬ ಎಣಿಕೆ ಹುಲುಮನಸ್ಸಿನವರದ್ದು; ಉದಾರಿಗೆ ಈ ಭೂಮಂಡಲವೇ ತನ್ನ ಕುಟುಂಬವಾಗಿರುತ್ತದೆ‘ – ಎಂಬುದು ಈ ಶ್ಲೋಕದ ತಾತ್ಪರ್ಯ.

. ಹೌದು, ಜಿಪುಣನಿಗೂ ಉದಾರಿಗೂ ಹೆಚ್ಚು ವ್ಯತ್ಯಾಸವಿಲ್ಲ; ಇರುವುದೆಲ್ಲವೂ ಒಂದೇ ವ್ಯತ್ಯಾಸ: ಉದಾರಿಗೆ ವಿಶ್ವವೇ ತನ್ನ ಕುಟುಂಬವಾದರೆ, ಜಿಪುಣನಿಗೆ ಅವನ ಕುಟುಂಬವೇ ಅವನ ವಿಶ್ವ ಆಗಿರುತ್ತದೆಯಷ್ಟೆ!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ | ಜಿಪುಣ ಮತ್ತು ಉದಾರಿ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’