ದಿನದ ಸೂಕ್ತಿ: ಬಂಧನ–ಮೋಕ್ಷ

ಮಮೇತಿ ಬಧ್ಯತೇ ಜಂತುರ್ನ ಮಮೇತಿ ಚ ಮುಚ್ಯತೇ ।

. ಬಂಧಾಯ ವಿಷಯಾಸಕ್ತಂ ಮುಕ್ತೌ ನಿರ್ವಿಷಯಂ ಮನಃ ।।

. ಇದರ ತಾತ್ಪರ್ಯ ಹೀಗೆ:

. ‘ನನ್ನದು ಎಂಬುದರಿಂದ ಮನುಷ್ಯನು ಬಂಧನಕ್ಕೊಳಗಾಗುತ್ತಾನೆ. ’ನನ್ನದಲ್ಲ’ ಎಂದು ತಿಳಿದುಕೊಳ್ಳವವನು ಮುಕ್ತನಾಗುತ್ತಾನೆ. ವಿಷಯಗಳಲ್ಲಿ ಆಸಕ್ತಿಯನ್ನು ಹೊಂದುವುದರಿಂದ ಬಂಧನ ಒದಗುತ್ತದೆ; ಆಸಕ್ತಿಯನ್ನು ಬಿಟ್ಟರೆ ಮೋಕ್ಷ ಲಭಿಸುತ್ತದೆ.’

. ದಿನದ ಸೂಕ್ತಿ ಕೇಳಿ: ಬಂಧನ–ಮೋಕ್ಷ

. ಮನುಷ್ಯನಿಗಿರುವ ದೊಡ್ಡ ಶಕ್ತಿ ಮತ್ತು ಮಿತಿ ಎಂದರೆ ರಾಗ; ಇದನ್ನೇ ಪ್ರೀತಿ ಎಂದೂ ಕರೆಯಬಹುದು. ಇದರಿಂದಲೇ ನಾನು, ನನ್ನದು ಎಂಬ ಭಾವ ಅವನಲ್ಲಿ ಹುಟ್ಟುವುದು. ಈ ಭಾವವೇ ಅವನಲ್ಲಿ ಹುಟ್ಟದಿದ್ದರೆ ಅವನ ಜೀವನಕ್ಕೆ ಸ್ವಾರಸ್ಯವೇ ಇರದು; ಮಾತ್ರವಲ್ಲ, ಅವನ ಜೀವನಯಾನವೇ ನಡೆಯದು. ಏಕೆಂದರೆ ಅವನ ಜೀವನವನ್ನು ಮುಂದಕ್ಕೆ ಎಳೆಯಬಲ್ಲ ಸೆಳೆತವೇ ಇರುವುದಿಲ್ಲ.

. ಆದರೆ ಇಲ್ಲೊಂದು ಸಮಸ್ಯೆಯೂ ಇದೇ. ನಮ್ಮಲ್ಲಿ ರಾಗ ಹೆಚ್ಚಾದರೆ ಆಗ ಅದೇ ಬಂಧನವೂ ಆಗುತ್ತದೆ. ನನ್ನದು, ನಾನು ಪ್ರೀತಿಸುವಂಥದ್ದು ಎಂಬುದು ಯಾವಾಗಲೂ ನನ್ನಲ್ಲೇ ಇರಲಿ – ಎಂಬ ಸೆಳೆತವೂ ತೀವ್ರವಾಗಿರುತ್ತದೆ. ಈ ಸೆಳೆತವನ್ನು ಮೀರುವುದು ಸುಲಭವಲ್ಲ. ನನ್ನದು, ನನಗೆ ಬೇಕಾದ್ದು – ಎಂದು ಆರಿಸಿಕೊಂಡಿರುವುದೆಲ್ಲವೂ ನಮ್ಮಲ್ಲಿಯೇ ಉಳಿದರೆ ಆಗ ಸಂತೋಷವಾಗುತ್ತದೆ; ಒಂದು ವೇಳೆ ಅದು ನಮ್ಮಿಂದ ದೂರವಾದರೆ ಆಗ ದುಃಖವೂ ಸಹಜವಾಗಿರುತ್ತದೆ.

. ನಾನು, ನನ್ನದು – ಎಂಬ ಮನಸ್ಸು ಮತ್ತು ಬುದ್ಧಿಗಳು ಇನ್ನೂ ಹಲವು ಅಪಾಯಗಳನ್ನು ತಂದೊಡ್ಡಬಹುದು. ಇದೇ ನಮ್ಮಲ್ಲಿಯ ಸ್ವಾರ್ಥಕ್ಕೂ ಮೂಲಕಾರಣವಾಗುತ್ತದೆ. ಈ ರಾಗಬುದ್ಧಿ ಕ್ರಮೇಣ ಮೋಹಕ್ಕೂ ಅನಂತರ ದ್ವೇಷಕ್ಕೂ ಆ ಬಳಿಕ ಕ್ರೋಧಕ್ಕೂ ಹೇತುವಾಗುತ್ತದೆ. ಇದೇ ಬಂಧನ; ಎಂದರೆ ನಾನು, ನನ್ನದು – ಎಂಬ ಚಕ್ರದಲ್ಲಿಯೇ ನಾವು ಸಿಕ್ಕಿಹಾಕಿಕೊಳ್ಳುತ್ತೇವೆ. ಸುಭಾಷಿತ ಹೀಗಾಗಿಯೇ ಹೇಳುತ್ತಿರುವುದು, ’ನನ್ನದು‘ ಎಂಬುದರಿಂದ ಬಿಡಿಸಿಕೊಂಡರೆ ಆಗ ನಮಗೆ ಮುಕ್ತಸ್ಥಿತಿ ಒದಗುತ್ತದೆ – ಎಂದು.

. ನಮ್ಮ ನಿಜವಾದ ಸ್ವರೂಪವನ್ನು ಅರಿತುಕೊಳ್ಳದಿರುವುದಕ್ಕೂ ಈ ರಾಗ–ದ್ವೇಷ–ಮೋಹಗಳೇ ಕಾರಣ ಎಂದು ನಮ್ಮ ಶಾಸ್ತ್ರಗಳು ಕೂಡ ಹೇಳುತ್ತವೆ. ಈ ಅಜ್ಞಾನದ ವರ್ತುಲದಿಂದ ಬಿಡಿಸಿಕೊಳ್ಳವುದನ್ನೇ ಅವು ಮೋಕ್ಷ ಎಂದು ಕರೆದಿರುವುದು.

. ಆದರೆ ಈ ಬಂಧನದಿಂದ ಬಿಡಿಸಿಕೊಳ್ಳುವುದು ಸುಲಭವಲ್ಲ; ನಿರಂತರ ಸಾಧನೆಯಿಂದಷ್ಟೆ ಇದು ಸಾಧ್ಯವಾದೀತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಬಂಧನ–ಮೋಕ್ಷ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Lord's Test | ಬಿರುಗಾಳಿಯಾದ ಬೂಮ್ರಾ; ಇಂಗ್ಲೆಂಡ್‌ಗೆ ದಿನದಾಟದ ಆರಂಭದಲ್ಲೇ ಆಘಾತ

ವಿದೇಶಿ ಪ್ರವಾಸಗಳಲ್ಲಿ ಕುಟುಂಬಸ್ಥರ ಉಪಸ್ಥಿತಿಗೆ ಮಿತಿ: ನಿಯಮ ಬೆಂಬಲಿಸಿದ ಗಂಭೀರ್

ಪ್ರತಿಭಾವಂತ ಟೆನಿಸ್ ಆಟಗಾರ್ತಿ ರಾಧಿಕಾ ಯಾದವ್ ಕೊಲೆಗೆ ಆ ವಿಡಿಯೊ ಕಾರಣವಾಯಿತೇ?

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ