ನಾಗೇಂದ್ರಪ್ಪ ಹಾಗೂ ಓಬಮ್ಮ ದಂಪತಿಯ ಎರಡನೇ ಮಗಳಾದ ಲಕ್ಷ್ಮೀದೇವಿಗೆ ಹುಟ್ಟಿನಿಂದಲೇ ಎರಡೂ ಕೈಗಳಿಲ್ಲ. ಆದರೂ ಛಲ ಬಿಡದೆ ಉನ್ನತ ಶಿಕ್ಷಣ ಪಡೆದು, ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಅತಿಥಿ ಶಿಕ್ಷಕಿಯಾಗಿ ಕೆಲಸ ಮಾಡುತ್ತಿದ್ದಾರೆ. ಶಿಕ್ಷಕರ ಅವಧಿ ಮುಗಿದ ನಂತರವೂ ಸ್ವಯಂ ಶಿಕ್ಷಕಿಯಾಗಿ ಶಾಲೆಯಲ್ಲಿ ಪ್ರತಿ ದಿನ ವಿದ್ಯಾರ್ಥಿಗಳಿಗೆ ಉಚಿತವಾಗಿ ಪಾಠ ಮಾಡುತ್ತಾರೆ. ತಮ್ಮ ಕಾಲಿನಿಂದಲೇ ಹಾಳೆಯಲ್ಲಿ ಹಾಗೂ ಕಪ್ಪು ಹಲಗೆ ಮೇಲೆ ಸುಂದರವಾಗಿ ಅಕ್ಷರಗಳನ್ನು ಬರೆಯುತ್ತಾರೆ.