ಸೂಲಿಬೆಲೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಸೂಲಿಬೆಲೆ-ಗಿಡ್ಡಪ್ಪನಹಳ್ಳಿ ಮುಖ್ಯ ರಸ್ತೆಯಲ್ಲಿ, ನರೇಗಾ ಕಾಮಗಾರಿಯಡಿಯಲ್ಲಿ 2019-20ನೇ ಸಾಲಿನಲ್ಲಿ ಸುಮಾರು ₹ 9.95 ಲಕ್ಷಗಳ ಅಂದಾಜು ವೆಚ್ಚದಲ್ಲಿ ರಸ್ತೆ ಬದಿಯಲ್ಲಿ ಕಾಲುವೆ ನಿರ್ಮಾಣ ಮಾಡಲಾಗಿದೆ. ಪಟ್ಟಣದ ಶೇ 50ರಷ್ಟು ನೀರು ಈ ಕಾಲುವೆಗೆ ಹರಿಯುತ್ತದೆ. ಆದರೆ ಕಾಲುವೆ ನಿರ್ಮಾಣವಾಗಿರುವ ತನಕ ನೀರು ಬಂದು ಅಲ್ಲಿಂದ ಮುಂದೆ ಹರಿಯಲು ಜಾಗ ಇಲ್ಲ. ಕಾಮಗಾರಿಗೆ ಬಳಸಿರುವ ನೈಸರ್ಗಿಕ, ಮಾನವ ಹಾಗೂ ಆರ್ಥಿಕ ಸಂಪನ್ಮೂಲ ನಿಷ್ರಯೋಜಕವಾಗಿದೆ.