ಬಸ್‌ಗಳ ಸುತ್ತಾಟದಿಂದ ಕೆಸರುಗದ್ದೆಯ ದುಸ್ಥಿತಿ: ಹದಗೆಟ್ಟ ಮೈದಾನ ಸರಿಪಡಿಸಿ

ಬುಧವಾರ, ಮೇ 22, 2019
25 °C

ಬಸ್‌ಗಳ ಸುತ್ತಾಟದಿಂದ ಕೆಸರುಗದ್ದೆಯ ದುಸ್ಥಿತಿ: ಹದಗೆಟ್ಟ ಮೈದಾನ ಸರಿಪಡಿಸಿ

Published:
Updated:
Prajavani

ದೇವನಹಳ್ಳಿ: ಚುನಾವಣಾ ಕರ್ತವ್ಯದ ಮೇರೆಗೆ ಬಂದಿದ್ದ ಬಸ್‌ಗಳು ಮೈದಾನದಲ್ಲಿ ಸುತ್ತಾಡಿದ ಪರಿಣಾಮ ಇಡೀ ಮೈದಾನ ಕೆಸರು ಗದ್ದೆಯಾಗಿದೆ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

‘ನಗರದ ಹೃದಯ ಭಾಗದಲ್ಲಿರುವ ಏಕೈಕ ಸರ್ಕಾರಿ ಕ್ರೀಡಾಂಗಣವನ್ನು ಜಿಲ್ಲಾ ಯುವಜನ ಮತ್ತು ಕ್ರೀಡಾ ಇಲಾಖೆ  ಸ್ವಾಧೀನಕ್ಕೆ ಪಡೆದಿದೆ. ಹೊಸಕೋಟೆ ಮತ್ತು ದೊಡ್ಡಬಳ್ಳಾಪುರ ಭಗತ್ ಸಿಂಗ್ ಕ್ರೀಡಾಂಗಣವು ಇದಕ್ಕೆ ಹೊರತಲ್ಲ. ಹೊಸಕೋಟೆ ಮತ್ತು ದೊಡ್ಡಬಳ್ಳಾಪುರ ಕ್ರೀಡಾಂಗಣದಲ್ಲಿ ಬಸ್‌ಗಳನ್ನು ಒಳ ಪ್ರವೇಶಿಸಲು ಬಿಟ್ಟಿಲ್ಲ’ ಎಂದು ಕ್ರೀಡಾಪಟು ಪ್ರಸನ್ನಹಳ್ಳಿ ನಟರಾಜ್ ಹೇಳಿದರು.

‘ದೇವನಹಳ್ಳಿಯಲ್ಲಿನ ಕ್ರೀಡಾಂಗಣಕ್ಕೆ ಚುನಾವಣಾ ಕರ್ತವ್ಯಕ್ಕೆಂದು ನಿಯೋಜನೆ ಮಾಡಲಾದ ಬಸ್, ಕಾರು, ಜೀಪ್‌, ಖಾಸಗಿ ಶಾಲಾ ಬಸ್‌ಗಳನ್ನು ಬಿಟ್ಟ ಪರಿಣಾಮ ಬಿದ್ದ ಮಳೆಯಲ್ಲಿ ಅಡ್ಡಾದಿಡ್ಡಿ ತಿರುವು ಪಡೆದ ವಾಹನಗಳಿಂದ ಟ್ರ್ಯಾಕ್ ಸಂಪುರ್ಣ ಹಾಳಾಗಿದೆ. ಇದರ ಜವಾಬ್ದಾರಿ ಹೊರುವವರು ಯಾರು’ ಎಂದು ಅವರು ಪ್ರಶ್ನಿಸಿದ್ದಾರೆ. 

ಕ್ರೀಡಾಪಟು ನಾರಾಯಣಸ್ವಾಮಿ ಮಾತನಾಡಿ, ‘ಕ್ರೀಡಾಂಗಣದಲ್ಲಿ ಈ ಮೊದಲೇ ಕಳಪೆ ಟ್ರ್ಯಾಕ್ ನಿರ್ಮಾಣ ಮಾಡಲಾಗಿತ್ತು. ಇಲಾಖೆ ಚುನಾವಣಾ ಕರ್ತವ್ಯಕ್ಕಾಗಿ ಬಸ್ ನಿಲುಗಡೆಗೆ ಅವಕಾಶ ಮಾಡಿಕೊಟ್ಟ ಪರಿಣಾಮ ಕ್ರೀಡಾಂಗಣ ಪೂರ್ತಿ ಅವ್ಯವಸ್ಥೆಯಾಗಿದೆ. ಮಾತ್ರವಲ್ಲ ಅಭ್ಯಾಸಕ್ಕೂ ಬಹಳ ತೊಂದರೆಯಾಗುತ್ತಿದೆ. ಮೈದಾನ ಒಣಗಿದ ನಂತರ ಮುಳ್ಳಿನ ಮೇಲೆ ನಡೆದಂತೆ ಕಿರಿಕಿರಿಯಾಗುತ್ತದೆ. ಬಸ್ ನಿಲುಗಡೆಗೆ ಬೇರೆ ಸಾಕಷ್ಟು ಕಡೆ ಸ್ಥಳಾವಕಾಶವಿತ್ತು. ಆದರೆ ಇಲಾಖೆ ಅಧಿಕಾರಿಗಳು ಆ ಬಗ್ಗೆ ಯೋಚಿಸಿಲ್ಲ. ಇದನ್ನು ಆದಷ್ಟು ಬೇಗ ಸರಿಪಡಿಸಬೇಕು’ ಎಂದು ಒತ್ತಾಯಿಸಿದ್ದಾರೆ.

ಹದಗೆಟ್ಟ ಮೈದಾನದ ಕುರಿತು ದೂರವಾಣಿ ಕೆರೆ ಮಾಡಿದಾಗ ಇಲಾಖೆ ಅಧಿಕಾರಿಗಳು ಕರೆಗೆ ಉತ್ತರಿಸಿಲ್ಲ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !