ಹೊಸಕೋಟೆ | 'ನನಸಾಗಿಯೇ ಉಳಿದ ಬಡವರ ಕನಸಿನ ಮನೆ'

ಹೊಸಕೋಟೆ : ತಾಲ್ಲೂಕಿನಲ್ಲಿ 11 ಸಾವಿರಕ್ಕೂ ಅಧಿಕ ಮಂದಿ ನಿವೇಶನರಹಿತರು ಅರ್ಜಿ ಸಲ್ಲಿಸಿ ಹಲವು ವರ್ಷಗಳಿಂದ ಜಾತಕ ಪಕ್ಷಿಗಳಂತೆ ಕಾಯುತ್ತಿದ್ದಾರೆ. ಆದರೆ, ಬಡವರ ಸೂರಿನ ಕನಸು ನನಸಾಗಿಯೇ ಉಳಿದಿದೆ.

. 9099 ನಿವೇಶನ ರಹಿತರು: ತಾಲ್ಲೂಕಿನಲ್ಲಿ 2018-19ನೇ ಸಾಲಿಗೆ ನಿವೇಶನಗಳಿಗಾಗಿ ಅರ್ಜಿ ಸಲ್ಲಿಸಿದವರ ಸಂಖ್ಯೆ 9099 ಇತ್ತು. ಅಲ್ಲದೆ, 4326 ಜನ ವಸತಿಗಾಗಿ ಅರ್ಜಿ ಸಲ್ಲಿಸಿದ್ದರು. ವಸತಿ ಮತ್ತು ನಿವೇಶನ ರಹಿತ ಕುಟುಂಬಗಳು ಒಟ್ಟು 13425 ಇವೆ.

. ವಸತಿ ಮತ್ತು ನಿವೇಶನ ರಹಿತರಲ್ಲಿ ಶೇ32 ದಲಿತರು: 2018-19ರ ಮಾಹಿತಿಯಂತೆ ತಾಲ್ಲೂಕಿನಲ್ಲಿ ಇರುವ ಒಟ್ಟು ವಸತಿ ಮತ್ತು ನಿವೇಶನ ರಹಿತರಲ್ಲಿ ಶೇ32 ದಲಿತರೇ ಇದ್ದಾರೆ. ಅದರಲ್ಲಿ ಶೇ28 ಪರಿಶಿಷ್ಟ ಜಾತಿ ಇದ್ದರೆ, ಶೇ4 ಪರಿಶಿಷ್ಟ ವರ್ಗದವರು ಇದ್ದಾರೆ. ಉಳಿದಂತೆ ವಸತಿ ರಹಿತರಲ್ಲಿ ಎಸ್.ಸಿ 1072, ಎಸ್.ಟಿ 194, ನಿವೇಶನ ರಹಿತರಲ್ಲಿ 2639 ಎಸ್.ಸಿ ಇದ್ದರೆ, 402 ಎಸ್.ಟಿ ಇದ್ದಾರೆ. ಒಟ್ಟು ಎಸ್.ಸಿ 3711, ಎಸ್ಟಿ 596 ಇದ್ದಾರೆ.

. ತಾಲ್ಲೂಕಿನಲ್ಲಿ ನಿವೇಶನ ಹಂಚಿಕೆಗೆ ಸಂಬಂಧಿಸಿದಂತೆ ಕಂದಾಯ ಇಲಾಖೆ ವತಿಯಿಂದ 230ಕ್ಕೂ ಹೆಚ್ಚು ಎಕರೆ ನಿವೇಶನ ಹಂಚಿಕೆಗಾಗಿ ಹದ್ದುಬಸ್ತು ಮಾಡಲಾಗಿದೆ. ಅದರಲ್ಲಿ 100 ಎಕರೆ ವಿವಾದ ಕೋರ್ಟ್ನಲ್ಲಿದೆ. ಉಳಿದ 130 ಎಕರೆ ವಶಪಡಿಸಿಕೊಂಡು ಹದ್ದು ಬಸ್ತ್ ಮಾಡಲಾಗಿದೆ ಎಂದು ಕಂದಾಯ ಇಲಾಖೆ ತಿಳಿಸಿದೆ.

. ಅದರಲ್ಲಿ 25 ಎಕರೆ ರಾಜೀವ್ ಗಾಂಧಿ ವಸತಿ ನಿಗಮದ ವತಿಯಿಂದ ಅಭಿವೃದ್ಧಿ ಕಾರ್ಯ ನಡೆಯುತ್ತಿದೆ. ಶೀಘ್ರ ಎಲ್ಲರಿಗೂ ನಿವೇಶನ ಹಂಚುವ ಕೆಲಸಕ್ಕೆ ಚಾಲನೆ ನೀಡಲಾಗುವುದು ಎಂದು ಆಶ್ರಯ ಯೋಜನೆ ಅಧಿಕಾರಿ ಸಿದ್ದ ಮುನಿಯಪ್ಪ ತಿಳಿಸಿದರು.

. ನಿವೇಶನಗಳಿಲ್ಲದೆ ಪರದಾಡುತ್ತಿರುವ ಕುಟಂಬಗಳು: ಕುಟುಂಬಗಳು ವಿಭಜನೆಗೊಂಡಾಗ ನಿವೇಶನಕ್ಕಾಗಿ ಅರ್ಜಿ ಸಲ್ಲಿಸುತ್ತಾರೆ. ಆದರೆ, ಹಲವು ವರ್ಷಗಳಿಂದ ನಿವೇಶನ ಹಂಚಿಕೆ ಮಾಡದ ಕಾರಣ ಚಿಕ್ಕ ಮನೆಯಲ್ಲೇ ಎರಡು, ಮೂರು ಕುಟುಂಬಗಳು ಜೀವನ ನಡೆಸಲಾಗದ ಕಾರಣ ಖಾಲಿ ಜಾಗಗಳಲ್ಲಿ ಗುಡಿಸಲು ಹಾಕಿಕೊಂಡು ಬದುಕಬೇಕಾದ ಸ್ಥಿತಿ ಇದೆ.

. ಜಮೀನು ಒತ್ತುವರಿ: ನಿವೇಶನ ಹಂಚಲು ಪರದಾಡುತ್ತಿರುವುದು ಒಂದು ಕಡೆಯಾದರೆ ತಾಲ್ಲೂಕಿನಾದ್ಯಂತ ಸರ್ಕಾರಿ ಜಮೀನು ಒತ್ತುವರಿಯಾಗುತ್ತಿರುವುದು ಅವ್ಯಾಹತವಾಗಿ ನಡೆಯುತ್ತಲೇ ಇದೆ. ಒತ್ತುವರಿ ಕಡಿವಾಣ ಹಾಕುವಲ್ಲಿ ಕಂದಾಯ ಇಲಾಖೆ ಅಧಿಕಾರಿಗಳು ವಿಫಲರಾಗಿದ್ದಾರೆ.

. 17 ಪಂಚಾಯಿತಿಗಳಲ್ಲಿ 120 ಎಕರೆ ಸರ್ಕಾರಿ ಜಮೀನು ವಶಕ್ಕೆ ಪಡೆಯಲಾಗಿದೆ. ಶೀಘ್ರ ನಿವೇಶನಗಳನ್ನು ಹಂಚಿಕೆ ಮಾಡಲಾಗುವುದು - ವಿಜಯ್ಕುಮಾರ್ ತಹಶೀಲ್ದಾರ್ ಹೊಸಕೋಟೆ

. ಜಡಿಗೇನಹಳ್ಳಿ ಸಿದ್ದೇನಹಳ್ಳಿ ಮಾರಂಗೆರೆ ಸೇರಿದಂತೆ ಹಲವು ಕಡೆ ನಿವೇಶನ ಹಂಚಿಕೆ ನಡೆದಿದೆ. ಸೂಲಿಬೆಲೆಯಲ್ಲೂ 9 ಎಕರೆ ಜಮೀನು ನಿವೇಶನಗಳ ಹಂಚಿಕೆಗೆ ಸಿದ್ಧವಾಗುತ್ತಿದೆ- ಸಿದ್ದಮುನಿಯಪ್ಪ ಆಶ್ರಯ ಯೋಜನೆ ಅಧಿಕಾರಿ

. ತಾಲ್ಲೂಕಿನಲ್ಲಿ ಶೇ32 ದಲಿತರು ವಸತಿ ನಿವೇಶನ ರಹಿತ ಇರುವುದು ನಿಜಕ್ಕೂ ಖೇದಕರ. ಈ ವಿಚಾರವನ್ನು ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸಿ ಇದಕ್ಕೊಂದು ಸೂಕ್ತ ಪರಿಹಾರ ಕಂಡುಕೊಳ್ಳಲಾಗುವುದು- ಮಂಜುನಾಥ್ ಅಣ್ಣಯ್ಯ ಕರ್ನಾಟಕ ದಲಿತ ಸಂಘರ್ಷ ಸಮಿತಿ ವಿಭಾಗೀಯ ಸಂಚಾಲಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹೊಸಕೋಟೆ | 'ನನಸಾಗಿಯೇ ಉಳಿದ ಬಡವರ ಕನಸಿನ ಮನೆ'

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಲಂಚ: ಕ್ರಿಮ್ಸ್ ವೈದ್ಯಕೀಯ ಅಧೀಕ್ಷಕ ಡಾ.ಶಿವಾನಂದ ಕುಡ್ತಲಕರ್ ಲೋಕಾಯುಕ್ತ ಬಲೆಗೆ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಲಂಚ: ಕ್ರಿಮ್ಸ್ ವೈದ್ಯಕೀಯ ಅಧೀಕ್ಷಕ ಡಾ.ಶಿವಾನಂದ ಕುಡ್ತಲಕರ್ ಲೋಕಾಯುಕ್ತ ಬಲೆಗೆ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ