ಒಳ ಮೀಸಲಾತಿ: ಹೋರಾಟಕ್ಕೆ ಸಿದ್ಧರಾಗಿ, ಸೆ24ರಂದು ತಮಟೆ ಚಳವಳಿ

7
ಮುಖ್ಯಮಂತ್ರಿಗೆ ಮನವಿ

ಒಳ ಮೀಸಲಾತಿ: ಹೋರಾಟಕ್ಕೆ ಸಿದ್ಧರಾಗಿ, ಸೆ24ರಂದು ತಮಟೆ ಚಳವಳಿ

Published:
Updated:
Deccan Herald

ದೇವನಹಳ್ಳಿ: ಮಾದಿಗರ ಒಳಮೀಸಲಾತಿ ಹೋರಾಟದ ವಿಷಯವಾಗಿ ಮುಂದಿನ ಸವಾಲು ಎದುರಿಸಲು ಸಮುದಾಯ ಸಿದ್ಧವಾಗಬೇಕಿದೆ ಎಂದು ಮಾದಿಗ ದಂಡೋರ ಸಮಿತಿ ಜಿಲ್ಲಾ ಘಟಕ ಅಧ್ಯಕ್ಷ ಜಿ.ಮಾರಪ್ಪ ತಿಳಿಸಿದರು.

ದೇವನಹಳ್ಳಿ ಪ್ರವಾಸಿ ಮಂದಿರದಲ್ಲಿ ಶುಕ್ರವಾರ ಮಾದಿಗ ದಂಡೋರ ಸಮಿತಿ ತಾಲ್ಲೂಕು ವಿವಿಧ ಘಟಕ ಪದಾಧಿಕಾರಿಗಳ ನೇಮಕ ಅದೇಶ ಪತ್ರ ವಿತರಣೆ ಮತ್ತು ಒಳ ಮೀಸಲಾತಿ ಹೋರಾಟ ಕುರಿತು ನಡೆದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿದರು.

ಮಾದಿಗ ದಂಡೋರ ಸಮಿತಿ ಹಲವು ವರ್ಷಗಳಿಂದಹೋರಾಟ ನಡೆಸುತ್ತಾ ಬಂದಿದೆ. ಎಲ್ಲರ ಸಹಕಾರದಿಂದ ಯಾವುದೇ ರೀತಿ ಕಪ್ಪು ಚುಕ್ಕೆ ಇಲ್ಲದೆ ಸಂಘಟನಾತ್ಮಕವಾಗಿ ಬಲಿಷ್ಠವಾಗಿದೆ. ಮತ್ತಷ್ಟು ಗಟ್ಟಿಯಾಗಲು ಒಗ್ಗಟ್ಟು ಅತಿಮುಖ್ಯ. ಮಾದಿಗರ ಒಳ ಮೀಸಲಾತಿಗಾಗಿ ಸೆ.24ರಂದು ಮುಖ್ಯಮಂತ್ರಿ ಕುಮಾರಸ್ವಾಮಿಗೆ ತಮಟೆ ಚಳವಳಿ ನಡೆಸಿ ಮನವಿ ನೀಡಿ ಒತ್ತಾಯಿಸಲಾಗುವುದು ಎಂದು ತಿಳಿಸಿದರು.

ಮಾದಿಗ ದಂಡೋರ ತಾಲ್ಲೂಕು ಘಟಕ ಗೌರವಾಧ್ಯಕ್ಷ ಗೊಡ್ಲು ಮುದ್ದೇನಹಳ್ಳಿ ಮುನಿರಾಜು ಹಾಗೂ ಮುಖಂಡ ಹನುಮಂತಪ್ಪ ಮಾತನಾಡಿ, ಮಾದಿಗ ದಂಡೋರ ಸಮಿತಿ ಕೇವಲ ಪುರುಷರಿಗೆ ಸಿಮೀತವಾಗಿಲ್ಲ. ಗ್ರಾಮೀಣ ಭಾಗದಲ್ಲಿರುವ ಮಾದಿಗ ಸಮುದಾಯದ ಸ್ವಸಹಾಯ ಮತ್ತು ಸ್ತ್ರಿಶಕ್ತಿ ಗುಂಪುಗಳಲ್ಲಿನ ಮಹಿಳೆಯರು ಸಂಘಟನೆಯಲ್ಲಿ ತೊಡಗಿಸಿಕೊಂಡು ಸಂಘಟನೆ ಬಲಪಡಿಸಬೇಕು ಸಲಹೆ ನೀಡಿದರು.

ಮಾದಿಗ ದಂಡೋರ ಸಮಿತಿ ರಾಜ್ಯ ಘಟಕ ಉಪಾಧ್ಯಕ್ಷ ಬುಳ್ಳಹಳ್ಳಿ ರಾಜಪ್ಪ ಮಾತನಾಡಿ, ಮಾದಿಗ ಒಳಮೀಸಲಾತಿ ಪೆಟ್ಟು ಈ ಹಿಂದಿನ ವಿಧಾನಸಭೆ ಚುನಾವಣೆಯಲ್ಲಿ ಸಿದ್ದರಾಮಯ್ಯ ಅವರಿಗೆ ಅರ್ಥವಾಗಿದೆ. ಮಾದಿಗರಿಗೆ ಮೀಸಲಾತಿ ನೀಡುವ ವಿಚಾರದಲ್ಲಿ ಯಾವುದೇ ಸರ್ಕಾರ ನಿರ್ಲಕ್ಷ್ಯ ತೋರಿದರೆ ಸಮುದಾಯ ತಕ್ಕ ಪಾಠ ಕಲಿಸಲಿದೆ. ನ್ಯಾ.ಸದಾಶಿವ ಆಯೋಗದ ವರದಿ ಶಿಫಾರಸು ಮಾಡುವುದು ಸರ್ಕಾರದ ಕರ್ತವ್ಯ. ಯಾವ ಜಾತಿ ವಿರುದ್ಧವೂ ಹೋರಾಟವಲ್ಲ. ಸ್ಥಳೀಯ ಸಂಸ್ಥೆಗಳ ಚುನಾವಣೆಯಲ್ಲಿ ಪ್ರತಿ ಪುರಸಭೆಗೆ ಕನಿಷ್ಠ 5 ಸ್ಥಾನ ಮಾದಿಗರಿಗೆ ಮೀಸಲು ನೀಡಬೇಕೆಂದು ಒತ್ತಾಯಿಸಿದರು.

ನೂತನ ಪದಾಧಿಕಾರಿಗಳು:( ತಾಲ್ಲೂಕು ಘಟಕ ) ಕದುರಪ್ಪ ಅಧ್ಯಕ್ಷ, ಗೋಡ್ಲುಮುದ್ದೇನಹಳ್ಳಿ ಮುನಿರಾಜು ಗೌರವಾಧ್ಯಕ್ಷ, ಎಂ.ಮಾರಪ್ಪ, ನಾರಾಯಣಸ್ವಾಮಿ, ವೆಂಕಟೇಶ್, ಮುನಿಯಪ್ಪ ಉಪಾಧ್ಯಕ್ಷ. ಬುಳ್ಳಹಳ್ಳಿ ಮುನಿರಾಜು ಪ್ರಧಾನ ಕಾರ್ಯದರ್ಶಿ, ನರಸಿಂಹಮೂರ್ತಿ ಸಂಘಟನಾ ಕಾರ್ಯದರ್ಶಿ, ಕುಮಾರ್ ಕಾರ್ಯದರ್ಶಿ, ನರಸಿಂಹಮಪ್ಪ ಖಜಾಂಚಿ, ನಾರಾಯಣಸ್ವಾಮಿ, ಬೈಚಾಪುರ ಮುನಿರಾಜು, ಎನ್.ನಾರಾಯಣಸ್ವಾಮಿ, ಕೂರ್ಲಪ್ಪ, ಪಾಪನಹಳ್ಳಿ ನಾರಾಯಣಸ್ವಾಮಿ ನಿರ್ದೇಶಕರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !