ಸೂಲಿಬೆಲೆ ಹೋಬಳಿಯ ಅರಸನಹಳ್ಳಿ ಅಂಕೋನಹಳ್ಳಿ ಕಡೆಯಿಂದ ಪಟ್ಟಣದ ಕುರುಬರಪೇಟೆ ಹಾದು ಹೋಗುವ ರಾಜಕಾಲುವೆ, ಹೊಸಕೋಟೆ ದೊಡ್ಡಕೆರೆಗೆ ಸಂಪರ್ಕ ಕಲ್ಪಿಸುವ ದಕ್ಷಿಣ ಪಿನಾಕಿನಿ ಕಾಲುವೆಗೆ ಸೇರುತ್ತದೆ. ಸೂಲಿಬೆಲೆ ಕೆರೆ ಅಂಚಿನಲ್ಲಿ (ಕಾನೆ) ಹಾದು ಹೋಗುವ ರಾಜಕಾಲುವೆಯನ್ನು ಕೆಲವು ಸ್ಥಳೀಯ ಜಮೀನು ಮಾಲಿಕರು ಒತ್ತುವರಿ ಮಾಡಿದ್ದಾರೆ. ಸುಮಾರು ಒಂದು ಸರಪಳಿಯಷ್ಟು ಅಗಲ ಇರುವ ರಾಜ ಕಾಲುವೆಯನ್ನು ಆಕ್ರಮಿಸಿಕೊಂಡಿದ್ದು, ಪ್ರಸ್ತುತ 4-5 ಅಡಿ ಅಗಲ ಕಾಲುವೆ ಮಾತ್ರ ಉಳಿದಿದೆ.