ದೊಡ್ಡಬಳ್ಳಾಪುರ: ಪದವಿ ಕಾಲೇಜಿಗೆ ಪರಿವೀಕ್ಷಣಾ ತಂಡ ಭೇಟಿ

ಪರಿವೀಕ್ಷಣಾ ತಂಡದಲ್ಲಿ ಅಧ್ಯಕ್ಷ ಡಾ.ದಿಲೀಪ್‌ ಕೃಷ್ಣ, ಸದಸ್ಯರಾದ ಪ್ರೊ.ಎಂ.ಜಿ. ಚಂದ್ರಶೇಖರಯ್ಯ, ಡಾ.ಸುಮಿತಾ ಇದ್ದರು. ಕಾಲೇಜಿನಲ್ಲಿನ ಮೂಲಸೌಕರ್ಯ, ಬೋಧನಾ ವ್ಯವಸ್ಥೆಯನ್ನು ಪರಿಶೀಲಿಸಿದರು.

ಈ ಕುರಿತು ಮಾಹಿತಿ ನೀಡಿದ ಪ್ರಾಂಶುಪಾಲ ಪ್ರೊ.ಎನ್. ಶ್ರೀನಿವಾಸಯ್ಯ, ‘ಸ್ಥಳೀಯ ಪರಿವೀಕ್ಷಣಾ ತಂಡದಿಂದ ಕಾಲೇಜಿಗೆ ಭೇಟಿ ನೀಡಿ ಮೆಚ್ಚುಗೆ ಸೂಚಿಸಿದೆ. ವಿದ್ಯಾರ್ಥಿಗಳಿಗೆ ಶೈಕ್ಷಣಿಕ ಪ್ರಗತಿಗೆ ಪೂರಕ ವ್ಯವಸ್ಥೆ, ಮೂಲ ಸೌಕರ್ಯಗಳಿವೆ. ಉತ್ತಮ ಗ್ರಂಥಾಲಯ ವ್ಯವಸ್ಥೆಯಿದೆ. ಉತ್ತಮ ಬೋಧಕ ವರ್ಗವಿದ್ದು, ಸ್ನಾತಕೋತ್ತರ ಕೇಂದ್ರದಿಂದ (ಗ್ರಾಮೀಣ) ವಿದ್ಯಾರ್ಥಿಗಳಿಗೆ ಹೆಚ್ಚಿನ ಉಪಯೋಗವಾಗುತ್ತಿದೆ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ’ ಎಂದರು.

‘ಇದು ಕಾಲೇಜಿನ ಘನತೆ ಮತ್ತು ಗೌರವವನ್ನು ಹೆಚ್ಚಿಸಿದೆ. ನಮ್ಮ ಪರಿಶ್ರಮಕ್ಕೆ ಪ್ರತಿಫಲ ದೊರೆತಂತಾಗಿದೆ’ ಎಂದು ಹೇಳಿದರು.