ಮುಕ್ತ ಫಿಡೆ ರೇಟಿಂಗ್ ಚೆಸ್‌ ಟೂರ್ನಿ ಆರಂಭ

ಎಸ್‌ಜಿಬಿಐಟಿ ಪ್ರಾಂಶುಪಾಲ ಪ್ರೊ.ಸಿದ್ದರಾಮಪ್ಪ ಇಟ್ಟಿ ಉದ್ಘಾಟಿಸಿದರು. ಲಯನ್ಸ್‌ ಕ್ಲಬ್‌ ಅಧ್ಯಕ್ಷ ಅನಿಲ್‌ ದೇಶಪಾಂಡೆ, ವಿದ್ಯಾಧರ ವೀರನಗೌಡರ, ಬಿಡಿಸಿಎ ಸಂಸ್ಥಾಪಕ ಸದಸ್ಯ ಪ್ರಕಾಶ ಕುಲಕರ್ಣಿ, ಅಧ್ಯಕ್ಷ ಪ್ರಸನ್ನ ಜೋಶಿ, ಟೂರ್ನಿಯ ನಿರ್ದೇಶಕ ಬಿ.ಆರ್. ಕುಲಕರ್ಣಿ, ವಕೀಲ ರವೀಂದ್ರ ಚೌಗಲೆ, ಡಾ.ಎಸ್.ಪಿ. ದೇಸಾಯಿ ಭಾಗವಹಿಸಿದ್ದರು.

9 ಸುತ್ತುಗಳ ಈ ಟೂರ್ನಿಯಲ್ಲಿ ₹ 3 ಲಕ್ಷ ಬಹುಮಾನ ನೀಡಲಾಗುವುದು. ಇಂಟರ್‌ನ್ಯಾಷನಲ್‌ ಮಾಸ್ಟರ್‌ಗಳಾದ ತೆಲಂಗಾಣದ ಚಕ್ರವರ್ತಿ ರೆಡ್ಡಿ, ತಮಿಳುನಾಡಿನ ಆರ್‌. ಬಾಲಸುಬ್ರಮಣಿಯನ್‌ ಸೇರಿದಂತೆ 96 ಫಿಡೆ ಶ್ರೇಯಾಂಕದ ಆಟಗಾರರು ಸೇರಿ 168 ಮಂದಿ ಪೈಪೋಟಿ ನೀಡಲಿದ್ದಾರೆ.