ಉಪ ಚುನಾವಣೆ: 71 ಪ್ರಕರಣ ದಾಖಲು

‘ಜಿಲ್ಲೆಯಲ್ಲಿ ಒಟ್ಟು ₹ 3.23 ಲಕ್ಷ ನಗದು, ₹ 5.26 ಲಕ್ಷ ಮೌಲ್ಯದ 1,371.99 ಲೀಟರ್‌ ಮದ್ಯ ಹಾಗೂ ₹ 4.04 ಲಕ್ಷ ಮೌಲ್ಯದ ಎಂಟು ಬೈಕ್ ಹಾಗೂ ಒಂದು ಸರಕು ಸಾಗಾಣಿಕೆ ವಾಹನ ವಶಪಡಿಸಿಕೊಳ್ಳಲಾಗಿದೆ. ಕಾಗವಾಡ ಕ್ಷೇತ್ರದಲ್ಲಿ ಭಾರತೀಯ ಜನತಾ ಪಕ್ಷದ ಚಿಹ್ನೆ ಹೊಂದಿರುವ 9,600 ಚಿಹ್ನೆ ಕ್ಯಾಪ್‌ಗಳು (ಟೋಪಿ) ಹಾಗೂ 22,500 ಶಲ್ಯಗಳನ್ನು ಕೂಡ ಮಾದರಿ ನೀತಿಸಂಹಿತೆ ತಂಡಗಳು ವಶಪಡಿಸಿಕೊಂಡಿವೆ’ ಎಂದು ಮಾಹಿತಿ ನೀಡಿದ್ದಾರೆ.

‘ಎಫ್.ಎಸ್.ಟಿ, ಪೊಲೀಸ್, ಅಬಕಾರಿ ಮತ್ತು ಎಸ್.ಎಸ್.ಟಿ. ತಂಡಗಳು ಪ್ರತ್ಯೇಕವಾಗಿ ಈ ವಸ್ತುಗಳನ್ನು ವಶಪಡಿಸಿಕೊಂಡಿವೆ. ಆಯಾ ಕ್ಷೇತ್ರದ ವ್ಯಾಪ್ತಿಯಲ್ಲಿ ಪ್ರಕರಣಗಳನ್ನು ದಾಖಲಿಸಲಾಗಿದೆ’ ಎಂದು ಜಿಲ್ಲಾ ಮಾದರಿ ನೀತಿಸಂಹಿತೆ ನೋಡಲ್ ಅಧಿಕಾರಿ ಜಗದೀಶ್ ರೂಗಿ ತಿಳಿಸಿದ್ದಾರೆ.

‘ನೀತಿಸಂಹಿತೆ ಉಲ್ಲಂಘನೆಗೆ ಸಂಬಂಧಿಸಿದಂತೆ ಅಥಣಿ ಕ್ಷೇತ್ರದಲ್ಲಿ 20, ಕಾಗವಾಡದಲ್ಲಿ 18 ಮತ್ತು ಗೋಕಾಕದಲ್ಲಿ 33 ಸೇರಿ 71 ಪ್ರಕರಣಗಳನ್ನು ದಾಖಲಿಸಲಾಗಿದೆ’ ಎಂದು ಹೇಳಿದ್ದಾರೆ.