ಏಕಸ್‌ನಲ್ಲಿ ಹಸಿರು ಉಪಕ್ರಮ; ಸೈಕಲ್ ಬಳಕೆ

ಏಕಸ್‌ ಏರೊಸ್ಪೇಸ್‌ನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ರಾಜೀವ್ ಕೌಲ್ ಉಪಸ್ಥಿತಿಯಲ್ಲಿ ಉದ್ಘಾಟಿಸಲಾಯಿತು.

ಬಳಿಕ ಮಾತನಾಡಿದ ಅವರು, ‘ಉದ್ಯೋಗಿಗಳಿಗೆ ಕ್ಯಾಂಪಸ್ ಒಳಗೆ ಪರಿಸರ ಸ್ನೇಹಿ ರೂಢಿಗಳನ್ನು ಉತ್ತೇಜಿಸುವುದು ಮತ್ತು ಸುಸ್ಥಿರ ಗುರಿಗಳತ್ತ ನಮ್ಮ ಗಮನ ಸದೃಢಗೊಳಿಸುವ ಉದ್ದೇಶವನ್ನು ಈ ಉಪಕ್ರಮದ ಮೂಲಕ ಹೊಂದಲಾಗಿದೆ. ನಮ್ಮ ಕಾರ್ಯಾಚರಣೆಗಳ ಪ್ರತಿ ಆಯಾಮದಲ್ಲೂ ಪರಿಸರ ಕುರಿತು ಸಂವೇದನೆಯೊಂದಿಗೆ ತೊಡಗಿಸಿಕೊಳ್ಳುವ ಪ್ರಯತ್ನಗಳನ್ನು ಪ್ರತಿಫಲಿಸುತ್ತದೆ’ ಎಂದು ತಿಳಿಸಿದರು.

‘ಆಧುನಿಕತೆಯಿಂದ ಕಲುಷಿತವಾಗದ ಕ್ಯಾಂಪಸ್‌ ಸಂರಕ್ಷಿಸುವುದು, ನಮ್ಮ ಉದ್ಯೋಗಿಗಳಲ್ಲಿ ಆರೋಗ್ಯಕರ ಜೀವನಶೈಲಿ ಪ್ರೇರೇಪಿಸುವುದು ಉದ್ದೇಶವಾಗಿದೆ’ ಎಂದು ತಿಳಿಸಿದರು.

‘ಉದ್ಯೋಗಿಗಳು ಹಸಿರಿನ ಕ್ಯಾಂಪಸ್‌ನಲ್ಲಿ ಈ ಸೈಕಲ್‌ಗಳಲ್ಲಿ ಸಂಚರಿಸಬಹುದು. ಅವುಗಳಿಗೆ ಜಿಪಿಎಸ್ ಅಳವಡಿಸಲಾಗಿದೆ ಮತ್ತು ಪೂರ್ಣ ಸ್ವಯಂಚಾಲಿತ ಸ್ಮಾರ್ಟ್ ಮೆಕ್ಯಾನಿಸಂ ಹೊಂದಿದ್ದು, ಆ್ಯಪ್‌ ಮೂಲಕ ಅನ್‌ಲಾಕ್ ಮಾಡಬಹುದು. ಪ್ರಮುಖ ಜಂಕ್ಷನ್‌ಗಳಲ್ಲಿ ಲಭ್ಯವಾಗುವಂತೆ ಮಾಡಲಾಗಿದೆ. ಆ್ಯಪ್‌ನಲ್ಲಿ ದೊರೆಯುವ ಕ್ಯೂಆರ್ ಕೋಡ್ ಬಳಸಿ ಬಳಸಬಹುದು’ ಎಂದರು.