ಏಕಸ್‌ನಲ್ಲಿ ಹಸಿರು ಉಪಕ್ರಮ; ಸೈಕಲ್ ಬಳಕೆ
ಅಕ್ಷರ ಗಾತ್ರ :ಆ |ಆ |ಆ
ಬೆಳಗಾವಿ: ಹತ್ತರಗಿ ಸಮೀಪದಲ್ಲಿರುವ ಏಕಸ್ ಕಂಪನಿಯು ತನ್ನ ಕ್ಯಾಂಪಸ್‌ನಲ್ಲಿ ಸೈಕಲ್ ಬಳಸುವ ‘ಸೈಕಲ್ ದಿ ಕ್ಯಾಂಪಸ್’ ಉಪಕ್ರಮಕ್ಕೆ ಚಾಲನೆ ನೀಡಿದೆ.
ಏಕಸ್ ಏರೊಸ್ಪೇಸ್‌ನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ರಾಜೀವ್ ಕೌಲ್ ಉಪಸ್ಥಿತಿಯಲ್ಲಿ ಉದ್ಘಾಟಿಸಲಾಯಿತು.
ಬಳಿಕ ಮಾತನಾಡಿದ ಅವರು, ‘ಉದ್ಯೋಗಿಗಳಿಗೆ ಕ್ಯಾಂಪಸ್ ಒಳಗೆ ಪರಿಸರ ಸ್ನೇಹಿ ರೂಢಿಗಳನ್ನು ಉತ್ತೇಜಿಸುವುದು ಮತ್ತು ಸುಸ್ಥಿರ ಗುರಿಗಳತ್ತ ನಮ್ಮ ಗಮನ ಸದೃಢಗೊಳಿಸುವ ಉದ್ದೇಶವನ್ನು ಈ ಉಪಕ್ರಮದ ಮೂಲಕ ಹೊಂದಲಾಗಿದೆ. ನಮ್ಮ ಕಾರ್ಯಾಚರಣೆಗಳ ಪ್ರತಿ ಆಯಾಮದಲ್ಲೂ ಪರಿಸರ ಕುರಿತು ಸಂವೇದನೆಯೊಂದಿಗೆ ತೊಡಗಿಸಿಕೊಳ್ಳುವ ಪ್ರಯತ್ನಗಳನ್ನು ಪ್ರತಿಫಲಿಸುತ್ತದೆ’ ಎಂದು ತಿಳಿಸಿದರು.
‘ಆಧುನಿಕತೆಯಿಂದ ಕಲುಷಿತವಾಗದ ಕ್ಯಾಂಪಸ್ ಸಂರಕ್ಷಿಸುವುದು, ನಮ್ಮ ಉದ್ಯೋಗಿಗಳಲ್ಲಿ ಆರೋಗ್ಯಕರ ಜೀವನಶೈಲಿ ಪ್ರೇರೇಪಿಸುವುದು ಉದ್ದೇಶವಾಗಿದೆ’ ಎಂದು ತಿಳಿಸಿದರು.
‘ಉದ್ಯೋಗಿಗಳು ಹಸಿರಿನ ಕ್ಯಾಂಪಸ್‌ನಲ್ಲಿ ಈ ಸೈಕಲ್‌ಗಳಲ್ಲಿ ಸಂಚರಿಸಬಹುದು. ಅವುಗಳಿಗೆ ಜಿಪಿಎಸ್ ಅಳವಡಿಸಲಾಗಿದೆ ಮತ್ತು ಪೂರ್ಣ ಸ್ವಯಂಚಾಲಿತ ಸ್ಮಾರ್ಟ್ ಮೆಕ್ಯಾನಿಸಂ ಹೊಂದಿದ್ದು, ಆ್ಯಪ್‌ ಮೂಲಕ ಅನ್‌ಲಾಕ್ ಮಾಡಬಹುದು. ಪ್ರಮುಖ ಜಂಕ್ಷನ್‌ಗಳಲ್ಲಿ ಲಭ್ಯವಾಗುವಂತೆ ಮಾಡಲಾಗಿದೆ. ಆ್ಯಪ್‌ನಲ್ಲಿ ದೊರೆಯುವ ಕ್ಯೂಆರ್ ಕೋಡ್ ಬಳಸಿ ಬಳಸಬಹುದು’ ಎಂದರು.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
