ನಿಬ್ಬೆರಗಾಗಿಸುವ ಜಲಯೋಗ ಸಾಧಕ: 3 ತಾಸು ನೀರಿನಲ್ಲಿ ತೇಲುವ 72ರ ವೃದ್ಧ!

ಮಹಾರಾಷ್ಟ್ರದ ದೂರ ದರ್ಶನವು ಪ್ರಕಾಶ ಅವರ ಸಾಧನೆಯನ್ನು ‘ಮಹಾರಾಷ್ಟ್ರ ಬುಕ್‍ ಆಫ್‍ ರೆಕಾರ್ಡ್‌’ನಲ್ಲಿ ದಾಖಲಿಸಿದೆ. ಜಗತ್ತಿನ ಶ್ರೇಷ್ಠ ಯೋಗ ಸಾಧಕರ ಪರಿಚಯ ಇರುವ ಈ ಪುಸ್ತಕದಲ್ಲಿ ಪ್ರಕಾಶ ಅವರ ಯೋಗಭಂಗಿ ಚಿತ್ರ ಮುಖಪುಟದಲ್ಲೇ ಇರುವುದು ಗಮನಾರ್ಹ. ಕೇಂದ್ರ ಸರ್ಕಾರದ ಆಯುಷ್‌ ಮಂತ್ರಾಲಯದಿಂದ ಯೋಗ ಸರ್ಟಿಫೀಕೆಟ್ ಬೋರ್ಡ್‍ದವರು 2020ನೇ ಸಾಲಿನಲ್ಲಿ ರಾಷ್ಟ್ರಮಟ್ಟದ ಪ್ರಶಸ್ತಿ ನೀಡಿದ್ದಾರೆ. ‘ಯೂನಿವರ್ಸಿಟಿ ಆಫ್‍ ಸೆಂಟ್ರಲ್‍ ಅಮೆರಿಕ’ದಿಂದ 2023ರಲ್ಲಿ ‘ಗೌರವ ಡಾಕ್ಟರೇಟ್’ ಪದವಿ ನೀಡಲಾಗಿದೆ. ಮುಂಬೈನ ‘ಡಾ.ಎಸ್.ರಾಧಾಕೃಷ್ಣನ್ ರಿಸರ್ಚ್ ಅಂಡ್‌ ವೆಲ್‍ಫೇರ್ ಅಸೋಸಿಯೇಷನ್’ ಅವರು ಕೂಡ 2021ರಲ್ಲಿ ‘ವಿಶ್ವದಾಖಲೆ’ ಪುಟದಲ್ಲಿ ಪ್ರಕಾಶ ಅವರ ಸಾಧನೆ ಸೇರಿಸಿದ್ದಾರೆ. ಇದೂವರೆಗೆ ಇಂಥ ಆರು ವಿಶ್ವಮಟ್ಟದ ದಾಖಲೆಗಳು ಇವರ ಹೆಸರಲ್ಲಿವೆ.