‘ಕೋವ್ಯಾಕ್ಸಿನ್’ ಟ್ರಯಲ್: 3ನೇ ಹಂತ ಆರಂಭ

‘ಈ ಹಂತದಲ್ಲಿ ಸ್ಥಳೀಯ ಸ್ವಯಂಸೇವಕರಿಗೆ ಆದ್ಯತೆ ನೀಡಲಾಗುವುದು. ಇದರಿಂದ ಕಾಲಕಾಲಕ್ಕೆ ವರದಿ ಪಡೆಯಲು, ರಕ್ತದ ಮಾದರಿ ಪಡೆದು ಪರೀಕ್ಷೆಗೆ ಒಳಪಡಿಸಲು ಮತ್ತು ರೋಗನಿರೋಧಕ ಪರೀಕ್ಷೆ ನಡೆಸಲು ಸುಲಭವಾಗಲಿದೆ’ ಎಂದು ಆಸ್ಪತ್ರೆಯ ನಿರ್ದೇಶಕ ಡಾ.ಅಮಿತ್ ಭಾತೆ ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಮೊದಲ ಹಾಗೂ 2ನೇ ಹಂತದ ಟ್ರಯಲ್‌ನಲ್ಲಿ ಕೆಲವು ಸ್ವಯಂಸೇವಕರು ಹೊರ ಜಿಲ್ಲೆಗಳವರೂ ಇದ್ದರು. ಇದರಿಂದಾಗಿ ಕೆಲವು ಪರೀಕ್ಷೆಗಳ ಸಂದರ್ಭದಲ್ಲಿ ತೊಡಕಾಯಿತು. ಅವರು ಸಕಾಲಕ್ಕೆ ಬರುವುದು ಸಾಧ್ಯವಾಗುತ್ತಿರಲಿಲ್ಲ. ಹೀಗಾಗಿ, 3ನೇ ಹಂತದಲ್ಲಿ ಸ್ಥಳೀಯರನ್ನು ಟ್ರಯಲ್‌ಗೆ ಒಳಪಡಿಸಲಾಗುವುದು. ದೇಶದಾದ್ಯಂತ ಈ ಹಂತದಲ್ಲಿ 25 ಕೇಂದ್ರಗಳ 28 ಸಾವಿರ ಮಂದಿಯನ್ನು ಒಳಪಡಿಸಲು ಉದ್ದೇಶಿಸಲಾಗಿದೆ’ ಎಂದು ಮಾಹಿತಿ ನೀಡಿದರು.

‘ಮೊದಲ ಹಾಗೂ 2ನೇ ಹಂತದ ಟ್ರಯಲ್‌ ಮಾರ್ಗಸೂಚಿಗಳ ಪ್ರಕಾರ ನಡೆದಿದೆ’ ಎಂದರು.