‘ಇಲ್ಲಿ ನಗರಪಾಲಿಕೆ, 2 ನಗರಸಭೆಗಳು, 15 ಪುರಸಭೆಗಳು, 15 ಪಟ್ಟಣ ಪಂಚಾಯ್ತಿಗಳಿವೆ. ಇವುಗಳ ವ್ಯಾಪ್ತಿಯಲ್ಲಿ 742 ವಾರ್ಡ್ಗಳು ಬರುತ್ತವೆ. ಇದೇ ವರ್ಷದ ಜುಲೈ ಅಂತ್ಯದ ವೇಳೆಗೆ 543 ವಾರ್ಡ್ಗಳಲ್ಲಿ ಮನೆ–ಮನೆಗೆ ತೆರಳಿ ಕಸ ಸಂಗ್ರಹಿಸಲಾಗುತ್ತಿದೆ. 199 ವಾರ್ಡ್ಗಳಲ್ಲಿ ಹಸಿ ಹಾಗೂ ಒಣ ಕಸವನ್ನು ಮೂಲದಲ್ಲೇ ವಿಂಗಡಿಸಲಾಗುತ್ತಿದೆ. ನಗರದ 58 ವಾರ್ಡ್ಗಳಲ್ಲಿ 57ರಲ್ಲಿ ಮನೆ–ಮನೆಗಳಲ್ಲಿ ಕಸ ಸಂಗ್ರಹಿಸಲಾಗುತ್ತಿದೆ. 16ರಲ್ಲಿ ಬೇರ್ಪಡಿಸಲಾಗುತ್ತಿದೆ. ಕಾಂಪೋಸ್ಟ್ ಮಾಡುವ ಕಾರ್ಯ ಕೆಲವೇ ಕಡೆಗಳಲ್ಲಿ ನಡೆಯುತ್ತಿದೆ. ಈ ಪರಿಸ್ಥಿತಿ ಸುಧಾರಿಸುವ ನಿಟ್ಟಿನಲ್ಲಿ ಕ್ರಮ ಕೈಗೊಳ್ಳುವಂತೆ ತಿಳಿಸಲಾಗಿದೆ’ ಎಂದರು.