ಶನಿವಾರ, ಮೇ 21, 2022
24 °C

ಬೆಳಗಾವಿ: ಸುರಕ್ಷತೆ ಪರಿಶೀಲಿಸಿದ ಆಯುಕ್ತ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಬೆಳಗಾವಿ: ಇಲ್ಲಿಂದ ತಾಲ್ಲೂಕಿನ ದೇಸೂರುವರೆಗೆ ಸಿದ್ಧವಾಗಿರುವ ಜೋಡಿ ರೈಲು ಮಾರ್ಗ(10.87 ಕಿ.ಮೀ.)ದಲ್ಲಿನ ಸುರಕ್ಷತೆಯನ್ನು ರೈಲ್ವೆ ಸುರಕ್ಷತಾ ಆಯುಕ್ತ ಅಭಯ್‌ಕುಮಾರ್‌ ರೈ ಬುಧವಾರ ಪರಿಶೀಲಿಸಿದರು.

ಅವರು ಹಾಗೂ ಅಧಿಕಾರಿಗಳು ಗಂಟೆಗೆ 120 ಕಿ.ಮೀ. ವೇಗದಲ್ಲಿ ಸಂಚರಿಸಿ ಪರಿಶೀಲನೆ ನಡೆಸುವ ಕಾರ್ಯ ಯಶಸ್ವಿಯಾಗಿ ಪೂರ್ಣಗೊಂಡಿತು.

ಕೆಲವೇ ದಿನಗಳಲ್ಲಿ ಮುಂದಿನ ಹಂತದ ಕಾಮಗಾರಿ ಅಂದರೆ ಸುಲಧಾಳವರೆಗೆ (68 ಕಿ.ಮೀ.) ಮಾರ್ಗದ ಕಾಮಗಾರಿ ಪೂರ್ಣಗೊಳ್ಳಲಿದೆ. ಲೋಂಡಾ–ಮೀರಜ್‌ ಜೋಡಿ ಮಾರ್ಗ ನಿರ್ಮಾಣದ ಭಾಗವಾಗಿ ಕಾಮಗಾರಿ ಪ್ರಗತಿಯಲ್ಲಿದೆ. 2016ರಲ್ಲಿ ಮಂಜೂರಾದ ಈ ಯೋಜನೆಯು ₹ 1,190 ಕೋಟಿ ಮೊತ್ತದ್ದಾಗಿದೆ. ಬುಧವಾರ ಶಾಸನಬದ್ಧ ಪರಿಶೀಲನೆಗೆ ಒಳಪಪಟ್ಟ ಮಾರ್ಗವೂ ಸೇರಿದಂತೆ ಈವರೆಗೆ ಒಟ್ಟು 56 ಕಿ.ಮೀ. ಸಿದ್ಧಗೊಂಡಂತಾಗಿದೆ.

‘ಲೋಂಡಾ–ಮೀರಜ್‌ ಜೋಡಿ ಮಾರ್ಗ ನಿರ್ಮಾಣದಿಂದ ಈ ಭಾಗದಲ್ಲಿ ಉದ್ಯಮ ಮತ್ತು ಸಂಪರ್ಕ ಅಭಿವೃದ್ಧಿಗೆ ಸಹಕಾರಿಯಾಗಲಿದೆ. ಮುಂಬೈ–ಚೆನ್ನೈ ಕೈಗಾರಿಕಾ ಕಾರಿಡಾರ್‌ಗೂ ಪೂರಕವಾಗಿರಲಿದೆ’ ಎಂದು ಅಭಯ್‌ಕುಮಾರ್‌ ಹೇಳಿದರು.

ಹುಬ್ಬಳ್ಳಿ ವಿಭಾಗೀಯ ರೈಲ್ವೆ ವ್ಯವಸ್ಥಾಪಕ ಅರವಿಂದ್ ಮಾಳಖೇಡ, ಮುಖ್ಯ ಆಡಳಿತಾಧಿಕಾರಿ (ನಿರ್ಮಾಣ) ದೇಶ್ ರತನ್‌ ಗುಪ್ತ ಹಾಗೂ ವಿಭಾಗದ ಹಿರಿಯ ಅಧಿಕಾರಿಗಳು ಪಾಲ್ಗೊಂಡಿದ್ದರು.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು