ವಿಜಯನಗರ: ಜಿಪಂ, ತಾಪಂ ಸ್ಥಾನ ಮೀಸಲು ನಿಗದಿ

ಜಿಲ್ಲಾ ಪಂಚಾಯಿತಿ ಮೀಸಲು ವಿವರ ಇಂತಿದೆ: ವಿಜಯನಗರ ಜಿಲ್ಲಾ ಪಂಚಾಯಿತಿಯ ಒಟ್ಟು 31 ಸ್ಥಾನಗಳ ಪೈಕಿ 8 ಪರಿಶಿಷ್ಟ ಜಾತಿ, 6 ಪರಿಶಿಷ್ಟ ಪಂಗಡ, 1 ಹಿಂದುಳಿದ ವರ್ಗ ‘ಎ’ ಹಾಗೂ 16 ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲು ನಿಗದಿಗೊಳಿಸಿದೆ.

ತಾಲ್ಲೂಕು ಪಂಚಾಯಿತಿ ಮೀಸಲು ವಿವರ ಇಂತಿದೆ: ಹೊಸಪೇಟೆ ತಾಲ್ಲೂಕಿನ ಒಟ್ಟು 9 ಸ್ಥಾನಗಳ ಪೈಕಿ 3 ಪರಿಶಿಷ್ಟ ಜಾತಿ, 2 ಪರಿಶಿಷ್ಟ ಪಂಗಡ, 4 ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲಾಗಿವೆ. ಹಗರಿಬೊಮ್ಮನಹಳ್ಳಿ ತಾಲ್ಲೂಕಿನ ಒಟ್ಟು 12 ಸ್ಥಾನಗಳಲ್ಲಿ 3 ಪರಿಶಿಷ್ಟ ಜಾತಿ, 2 ಪರಿಶಿಷ್ಟ ಪಂಗಡ, 1 ಹಿಂದುಳಿದ ವರ್ಗ ‘ಎ’, 6 ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲು ನಿಗದಿಪಡಿಸಲಾಗಿದೆ.

ಕೂಡ್ಲಿಗಿ ತಾಲ್ಲೂಕಿನ ಒಟ್ಟು 15 ಸ್ಥಾನಗಳಲ್ಲಿ 3 ಪರಿಶಿಷ್ಟ ಜಾತಿ, 5 ಪರಿಶಿಷ್ಟ ಪಂಗಡ, 7 ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲಿಡಲಾಗಿದೆ. ಹರಪನಹಳ್ಳಿ ತಾಲ್ಲೂಕಿನ ಒಟ್ಟು 21 ಸ್ಥಾನಗಳಲ್ಲಿ 6 ಪರಿಶಿಷ್ಟ ಜಾತಿ, 4 ಪರಿಶಿಷ್ಟ ಪಂಗಡ, 11 ಸಾಮಾನ್ಯ ವರ್ಗಕ್ಕೆ ಮೀಸಲು ನಿಗದಿ ಮಾಡಲಾಗಿದೆ.

ಹೂವಿನಹಡಗಲಿಯ ಒಟ್ಟು 14 ಸ್ಥಾನಗಳಲ್ಲಿ 4 ಪರಿಶಿಷ್ಟ ಜಾತಿ, 1 ಪರಿಶಿಷ್ಟ ಪಂಗಡ, 2 ಹಿಂದುಳಿದ ವರ್ಗದ ‘ಎ’, 7 ಸ್ಥಾನ ಸಾಮಾನ್ಯ ವರ್ಗ. ಕೊಟ್ಟೂರು ತಾಲ್ಲೂಕಿನ 11 ಸ್ಥಾನಗಳಲ್ಲಿ 3 ಪರಿಶಿಷ್ಟ ಜಾತಿ, 2 ಪರಿಶಿಷ್ಟ ಪಂಗಡ, 6 ಸಾಮಾನ್ಯ ವರ್ಗಕ್ಕೆ ಮೀಸಲು ನಿಗದಿಪಡಿಸಲಾಗಿದೆ.