ಲಸಿಕೆಗೆ ಉತ್ಸಾಹ ತೋರಿದ ಯುವಜನ

ನಗರದ ಉದ್ಯೋಗ ಪೆಟ್ರೋಲ್‌ ಬಂಕ್ ಬಳಿಯ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಷ್ಟೇ 18 ವರ್ಷ ಮೇಲಿನವರಿಗೆ ಲಸಿಕೆ ಹಾಕಲಾಗುತ್ತಿದ್ದು, ಗುರುವಾರ ಕೇಂದ್ರದ ಎದುರು ಉದ್ದನೆಯ ಸಾಲು ಕಂಡು ಬಂತು.

ಮಂಗಳವಾರದಿಂದ 18 ವರ್ಷ ಮೇಲಿನವರಿಗೂ ಲಸಿಕೆ ಹಾಕಲಾಗುತ್ತಿದೆ. ಬುಧವಾರ ಸುರಿವ ಮಳೆಯಲ್ಲೇ ಸಾಲಲ್ಲಿ ನಿಂತುಕೊಂಡು ಯುವಕ/ಯುವತಿಯರು ಲಸಿಕೆ ಹಾಕಿಸಿಕೊಂಡಿದ್ದರು.

ಲಸಿಕೆ ಮುಗಿದಿರುವುದರಿಂದ ಗುರುವಾರ ಮಧ್ಯಾಹ್ನದ ವರೆಗೆ ಲಸಿಕೆ ಹಾಕಲಾಯಿತು. ಇನ್ನುಳಿದ ಏಳು ಕೇಂದ್ರಗಳಲ್ಲಿ ಲಸಿಕೆ ಮುಗಿದಿರುವುದರಿಂದ 45 ವರ್ಷ ಮೇಲಿನವರಿಗೆ ಗುರುವಾರ ಲಸಿಕೆ ಹಾಕಲಿಲ್ಲ. ಇನ್ನೂ ನಾಲ್ಕೈದು ದಿನಗಳ ನಂತರವೇ ಲಸಿಕೆ ಬರಲಿದ್ದು, ಅಲ್ಲಿಯವರೆಗೆ ಕಾದು ಕೂರುವುದು ಸಾರ್ವಜನಿಕರಿಗೆ ಅನಿವಾರ್ಯವಾಗಲಿದೆ.