‘ವೃತ್ತಿಯಲ್ಲಿ ಎಂಜಿನಿಯರ್ ಆಗಿರುವ ವೃದ್ಧ, ಹಲವು ಕಂಪನಿಗಳಡಿ 22 ವಿಮೆ ಪಾಲಸಿಗಳನ್ನು ಮಾಡಿಸಿದ್ದಾರೆ. ಇದನ್ನು ತಿಳಿದುಕೊಂಡಿದ್ದ ಆರೋಪಿ, ವೃದ್ಧರಿಗೆ ಕರೆ ಮಾಡಿದ್ದ. ‘ನಾವು ವಿಮೆ ಕಂಪನಿಯಿಂದ ಮಾತನಾಡುವುದು. ನಿಮ್ಮ ಪಾಲಿಸಿಗಳ ಮೇಲೆ ಕಮಿಷನ್ ಹಾಗೂ ಬೋನಸ್ ಸೇರಿ ₹ 79 ಲಕ್ಷ ಕ್ಲೇಮ್ ನೀಡುತ್ತೇವೆ’ ಎಂದಿದ್ದ. ಆರೋಪಿ ಮಾತು ನಂಬಿದ್ದ ದೂರುದಾರ, ಕೇಳಿದ್ದ ಮಾಹಿತಿ ನೀಡಿದ್ದರು. ನೋಂದಣಿ ಹಾಗೂ ಇತರೆ ಶುಲ್ಕ ಕಟ್ಟಬೇಕೆಂದು ಹೇಳಿದ್ದ ಆರೋಪಿ, ₹ 7.78 ಲಕ್ಷ ಪಡೆದುಕೊಂಡಿದ್ದ. ಇದಾದ ನಂತರ, ಯಾವುದೇ ವಿಮೆ ಕ್ಲೇಮ್ ನೀಡದೇ ವಂಚಿಸಿದ್ದಾನೆ’ ಎಂದು ಪೊಲೀಸರು ತಿಳಿಸಿದರು.
