ಬೆಂಗಳೂರು: ಯಲಹಂಕದ ಪುಟ್ಟೇನಹಳ್ಳಿ ಕೆರೆಯಲ್ಲಿ ಅಪರೂಪದ ವೆಸ್ಟರನ್ ರೀಫ್ ಹೆರಾನ್(ಕಡಲು ತೀರದ ಬಕ ಪಕ್ಷಿ) ಭಾನುವಾರ ‘ಪ್ರಕೃತಿ ನಡಿಗೆ’ಯಲ್ಲಿ ಕಂಡು ಬಂದಿದೆ.
ಪ್ರಜ್ವಲ್ ದೀಪ್ ಅವರ ನೇತೃತ್ವದಲ್ಲಿ ನಡೆದ ನಡಿಗೆ ಸಂದರ್ಭದಲ್ಲಿ ಕಂಡುಬಂದ ಈ ಪಕ್ಷಿಯನ್ನು ಕೆ. ಕಾರ್ತಿಕೇಯನ್ ಕ್ಯಾಮೆರಾದಲ್ಲಿ ಸೆರೆಹಿಡಿದರು. ಈ ಪಕ್ಷಿ ಹೊಸಕೋಟೆ ಕೆರೆಯಲ್ಲಿ 2020ರಲ್ಲಿ ಕಂಡುಬಂದಿತ್ತು.
ಪುಟ್ಟೇನಹಳ್ಳಿ ಕೆರೆಯಲ್ಲಿ 50 ಪ್ರಭೇದದ ಪಕ್ಷಿಗಳಿವೆ ಎಂದು ಪ್ರಜ್ವಲ್ ಮಾಹಿತಿ ನೀಡಿದರು. ಪುಟ್ಟೇನಹಳ್ಳಿ ಕರೆ ‘ಪಕ್ಷಿ ಸಂರಕ್ಷಣೆಗೆ ಮೀಸಲು’ ಕೆರೆಯಾಗಿದೆ. 2017ರಿಂದ ಇಲ್ಲಿ ಪಕ್ಷಿಗಳ ಸಂಖ್ಯೆ ಹೆಚ್ಚಾಗುತ್ತಿದೆ ಎಂದರು.