ವಿಚಾರಪೂರ್ಣ ಸಂವಾದಕ್ಕೆ ರಾಜಧಾನಿ ಸಜ್ಜು

ಬೆಂಗಳೂರು: ರೋಗಗ್ರಸ್ತ ಅರ್ಥವ್ಯವಸ್ಥೆ, ಭಾರತೀಯ ಚುನಾವಣೆಗಳು, ಸಾವರ್ಕರ್ಗೆ ಭಾರತರತ್ನ ನೀಡುವ ಕುರಿತ ವಿವಾದ, ಹವಾಮಾನ ವೈಪರೀತ್ಯ ಮುಂತಾದ ಹತ್ತು ಹಲವು ಸಮಕಾಲೀನ ವಿಚಾರಗಳ ಕುರಿತ ವಿಚಾರಪೂರ್ಣ ಸಂವಾದಗಳಿಗೆ ರಾಜಧಾನಿ ಸಜ್ಜಾಗಿದೆ.

. ಕುಮಾರಕೃಪಾ ರಸ್ತೆಯ ಹೋಟೆಲ್ ಲಲಿತ್ ಅಶೋಕ್ನಲ್ಲಿ ಇದೇ ಶನಿವಾರ (ನ.9) ಹಾಗೂ ಭಾನುವಾರ (ನ.10) ಏರ್ಪಡಿಸಿರುವ ಬೆಂಗಳೂರು ಸಾಹಿತ್ಯ ಉತ್ಸವದ 8ನೇ ಆವೃತ್ತಿ 100 ಕ್ಕೂ ಅಧಿಕ ವಿಚಾರಗಳ ಕುರಿತು ಸಂವಾದಗಳಿಗೆ ವೇದಿಕೆ ಕಲ್ಪಿಸಲಿದೆ. ಈ ಸಲುವಾಗಿಯೇ ತುಘಲಕ್, ಯಯಾತಿ ಹಾಗೂ ರೆಡ್ ಕೌಚ್ ವೇದಿಕೆಗಳು ಸಜ್ಜಾಗಿವೆ.

. ದೇಶದ ವಿವಿಧ ಭಾಗಗಳ ವಿಚಾರವಾದಿಗಳು, ಬುದ್ಧಿಜೀವಿಗಳು, ಸಾಹಿತ್ಯ ಹಾಗೂ ಸಾಮಾಜಿಕ ಕ್ಷೇತ್ರಗಳ ದಿಗ್ಗಜರ ಸಮ್ಮಿಲನಕ್ಕೆ ಈ ಉತ್ಸವದ ನೆಲೆ ಕಲ್ಪಿಸಲಿದೆ. ಬೌದ್ಧಿಕ ಚರ್ಚೆಗಳಲ್ಲಿ ಪಾಲ್ಗೊಳ್ಳುವ ಸಲುವಾಗಿ ನೂರಾರು ಮಂದಿ ಈಗಾಗಲೇ ನಗರಕ್ಕೆ ಬಂದಿದ್ದಾರೆ.

. ಮೊದಲ ದಿನ ರೋಗಗ್ರಸ್ತ ಆರ್ಥಿಕತೆ ಕುರಿತು ಇಂದಿರಾ ರಾಜಾರಾಮನ್, ಆರ್.ಜಗನ್ನಾಥನ್, ವಿವೇಕ್ ಕೌಲ್ ಹಾಗೂ ನಾರಾಯಣ ರಾಮಚಂದ್ರನ್ ಅವರು ವಿಚಾರ ಮಂಡಿಸಲಿದ್ದಾರೆ. ಬಹುಮತವಾದ ಮತ್ತು ಭಾರತೀಯ ಪ್ರಜಾಪ್ರಭುತ್ವ ಕುರಿತು ಮುಕುಲ್ ಕೇಶವನ್ ಮತ್ತು ಶ್ರೀನಾಥ್ ರಾಘವನ್ ಸಂವಾದ ನಡೆಸಿಕೊಡಲಿದ್ದಾರೆ. ಮೋದಿ– ಟ್ರಂಪ್ ಯುಗದಲ್ಲಿ ಭಾರತ ಅಮೆರಿಕ ಸಂಬಂಧ ಕುರಿತು ವರ್ಗೀಸ್ ಕೆ.ಜಾರ್ಜ್ ಬೆಳಕು ಚೆಲ್ಲಲಿದ್ದಾರೆ.

. ಭಾನುವಾರ ನಡೆಯುವ ಸಂವಾದದಲ್ಲಿ ಹವಾಮಾನ ವೈಪರೀತ್ಯ ಕುರಿತು ಪರಿಸರ ವಿಜ್ಞಾನಿ ಮಾಧವ ಗಾಡ್ಗೀಳ್, ಚಿತ್ರಾಂಗದ ಚೌಧರಿ, ನವ್ರೋಜ್ ದುಬಾಷ್, ಟಿಮ್ ಫ್ಲಾನರಿ ಬೆಳಕು ಚೆಲ್ಲಲಿದ್ದಾರೆ. ಕನ್ನಡ ನೆಟ್ಟಿಗರ ಅಕ್ಷರ ಲೋಕದಲ್ಲಿನ ಬೆಳವಣಿಗೆಯನ್ನು ರಾಜೇಂದ್ರ ಪ್ರಸಾದ್ ಹಾಗೂ ತೀನಾ ಶಶಿಕಾಂತ್ ‘ಎಲ್ಲಿಗೆ ಬಂತು ನೆಟ್ ಸಾಹಿತ್ಯ’ ಎಂಬ ವಿಚಾರದ ಚರ್ಚೆಯಲ್ಲಿ ತೆರೆದಿಡಲಿದ್ದಾರೆ. ಬ್ಯಾಂಕ್ ಠೇವಣಿಗಳ ಅಸುರಕ್ಷತೆ ಬಗ್ಗೆ ವಿವೇಕ್ ಕೌಲ್ ವಿಚಾರ ಹಂಚಿಕೊಳ್ಳಲಿದ್ದಾರೆ.

. ಎಳೆಯರ ಸಲುವಾಗಿಯೇ ಅಬ್ರಕಡಬ್ರ, ಖುಲ್ ಜಾ ಸಿಮ್ ಸಿಮ್, ಶಾಜಮ್ ವೇದಿಕೆಗಳಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಏರ್ಪಡಿಸಲಾಗಿದೆ. ಸಂಗೀತ ಕಛೇರಿಗಳು ಹಾಗೂ ಇತರ ಕಾರ್ಯಕ್ರಮಗಳು, ತಿನಿಸುಗಳ ಮಳಿಗೆಗಳು ಇರಲಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವಿಚಾರಪೂರ್ಣ ಸಂವಾದಕ್ಕೆ ರಾಜಧಾನಿ ಸಜ್ಜು

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಭಾರತ ಫುಟ್‌ಬಾಲ್ ತಂಡದ ಮುಖ್ಯ ಕೋಚ್‌ ನೇಮಕ ಪ್ರಕ್ರಿಯೆ ಆರಂಭ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ