‘ವೈದ್ಯಕೀಯ ಚಿಕಿತ್ಸೆಗಾಗಿ ಮಹಿಳೆ ತುರ್ತಾಗಿ ಅಮೆರಿಕಕ್ಕೆ ಹೋಗಿದ್ದರು. ಅವರಿಗೆ ಕರೆ ಮಾಡಿದ್ದ ಆರೋಪಿ, ‘ಮನೆ ಮಾಲೀಕರಿಗೆ ಹಣದ ಅವಶ್ಯಕತೆ ಇದೆ. ಹಣ ನೀಡಿದರೆ, ಮನೆ ಮಾರಾಟ ಮಾಡುತ್ತಾರೆ’ ಎಂದಿದ್ದ. ಅಮೆರಿಕದಿಂದ ಬರಲು ಸಮಯ ಬೇಕೆಂದು ವೃದ್ಧೆ ಕೇಳಿದ್ದರು. ಆರೋಪಿಯು ‘ಹಣ ಕಳುಹಿಸಿ. ನನ್ನ ಹೆಸರಿಗೆ ನೋಂದಣಿ ಮಾಡಿಸುತ್ತೇನೆ. ಬೆಂಗಳೂರಿಗೆ ನೀವು ಬಂದ ನಂತರ ವರ್ಗಾವಣೆ ಮಾಡುತ್ತೇನೆ’ ಎಂದಿದ್ದ. ಅದನ್ನು ನಂಬಿದ್ದ ವೃದ್ಧೆ, ಹಣ ಹಾಕಿದ್ದರು’ ಎಂದು ಹೇಳಿವೆ. ‘ಇತ್ತೀಚೆಗೆ ವೃದ್ಧೆ, ಬೆಂಗಳೂರಿಗೆ ಬಂದಿದ್ದರು. ಅವರನ್ನು ದೂರವಿಡಲು ಯತ್ನಿಸಿದ್ದ ಆರೋಪಿ, ತಮ್ಮೂರು ಬಿಹಾರಕ್ಕೆ ಪರಾರಿಯಾಗಲು ಸಜ್ಜಾಗಿದ್ದ. ವೃದ್ಧೆ ನೀಡಿದ್ದ ಮಾಹಿತಿ ಆಧರಿಸಿ ರೈಲ್ವೆ ನಿಲ್ದಾಣದಲ್ಲೇ ಆರೋಪಿಯನ್ನು ವಶಕ್ಕೆ ಪಡೆದು ಠಾಣೆಗೆ ಕರೆತಂದು ವಿಚಾರಣೆ ನಡೆಸಲಾಗುತ್ತಿದೆ’ ಎಂದೂ ಪೊಲೀಸ್ ಮೂಲಗಳು ತಿಳಿಸಿವೆ.