ಬೆಂಗಳೂರು: ವಾಟ್ಸ್‌ಆ್ಯಪ್‌, ಫೇಸ್‌ ಬುಕ್‌, ಟ್ವಿಟರ್‌ ಮೂಲಕ ಸಾರ್ವಜನಿಕರ ಕುಂದು ಕೊರತೆಗಳಿಗೆ ಸ್ಪಂದಿಸುತ್ತಿರುವ ನಗರ ಪೊಲೀಸರು, ‘ಶೇರ್‌ಚಾಟ್‌’ನಲ್ಲೂ ಖಾತೆ ತೆರೆದಿದ್ದಾರೆ.
ಪೊಲೀಸ್ ಕಮಿಷನರ್‌ ಕಚೇರಿಯಲ್ಲಿ ಕಮಿಷನರ್‌ ಅಲೋಕ್ ಕುಮಾರ್ ಗುರುವಾರ ಖಾತೆಗೆ ಚಾಲನೆ ನೀಡಿದರು.
‘ಕನ್ನಡದಲ್ಲೂ ಆಯ್ಕೆಯಿರುವ (@blrcitypolice#ಬೆಂಗಳೂರು ನಗರ ಪೊಲೀಸ್) ಖಾತೆ ತೆರೆದು ಜನರಿಗೆ ಹತ್ತಿರವಾಗುತ್ತಿದ್ದೇವೆ’ಎಂದು ಅಲೋಕ್ ಕುಮಾರ್ ಹೇಳಿದರು.
ಏನಿದು ‘ಶೇರ್‌ಚಾಟ್‌’ ಆ್ಯಪ್
ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್‌ಚಾಟ್‌ ಆ್ಯಪ್ ಲಭ್ಯಇದೆ. ಅದನ್ನು ಪ್ಲೇ ಸ್ಟೋರ್ ಮೂಲಕ ಡೌನ್‍ಲೋಡ್ ಮಾಡಿಕೊಳ್ಳಬೇಕು. ನಂತರ ಕನ್ನಡ ಭಾಷೆ ಆಯ್ಕೆ ಮಾಡಿಕೊಂಡು ಖಾತೆ ತೆರೆಯಬೇಕು. ಬಳಿಕ @blrcitypolice # ಬೆಂಗಳೂರು ನಗರ ಪೊಲೀಸ್ ಖಾತೆ ಫಾಲೊ ಮಾಡಬೇಕು. ವೈಯಕ್ತಿಕ ಹಾಗೂ ಸಾರ್ವಜನಿಕವಾಗಿಯೂ ದೂರು ಅಥವಾ ಸಲಹೆ, ಸೂಚನೆಗಳನ್ನು ಇದರ ಮೂಲಕ ನೀಡಬಹುದು.
