ನಿವೇಶನಕ್ಕೆ ನಕಲಿ ದಾಖಲೆ–ಮಾಲೀಕರ ಸೃಷ್ಟಿಸಿ ವಂಚನೆ

ಬೆಂಗಳೂರು: ಖಾಲಿ ನಿವೇಶನಗಳಿಗೆ ನಕಲಿ ದಾಖಲೆಗಳು ಹಾಗೂ ಮಾಲೀಕರನ್ನು ಸೃಷ್ಟಿಸಿ ವಂಚಿಸುತ್ತಿದ್ದ ಮಹಿಳೆಯೂ ಸೇರಿ ಆರು ಮಂದಿ ಆರೋಪಿಗಳನ್ನು ಕೋಣನಕುಂಟೆ ಪೊಲೀಸರು ಬಂಧಿಸಿದ್ದಾರೆ.

. ಕೀರ್ತನಾ (29), ಶೇಖರ್ (36), ಪವನ್ ಕುಮಾರ್ (36), ಉಮಾ ಮಹೇಶ್ ರಾವ್ (41) ಹಾಗೂ ಜಯಪ್ರಕಾಶ್ (39) ಬಂಧಿತರು.

. ಆರೋಪಿಗಳು ನಿವೇಶನಗಳಿಗೆ ನಕಲಿ ದಾಖಲೆಗಳನ್ನು ಸೃಷ್ಟಿಸಿ, ನಕಲಿ ಮಾಲೀಕರಿಂದಲೇ ಶುದ್ಧಕ್ರಯ ಪತ್ರ ನೋಂದಣಿ ಮಾಡಿಸಿಕೊಳ್ಳುತ್ತಿದ್ದರು. ಆರೋಪಿಗಳು ತೆರೆದಿದ್ದ ಬೇನಾಮಿ ಬ್ಯಾಂಕ್ ಖಾತೆಗಳಿಗೆ ಖರೀದಿದಾರರ ಡಿ.ಡಿ.ಗಳನ್ನು ಜಮಾ ಮಾಡಿಕೊಂಡು ಹಣ ದೋಚುತ್ತಿದ್ದರು.

. ‘ಆರೋಪಿಗಳು ವಂಚನೆಗಾಗಿ ತೆರೆದಿದ್ದ ಬೇನಾಮಿ ಖಾತೆಗಳನ್ನು ಪತ್ತೆ ಹಚ್ಚಿದ್ದು, ವಂಚನೆ ಹಣದಿಂದ ಖರೀದಿಸಿದ್ದ ₹16.83 ಲಕ್ಷ ಬೆಲೆಬಾಳುವ ಚಿನ್ನಾಭರಣಗಳು, ₹35 ಲಕ್ಷ ಮೌಲ್ಯದ ಮೂರು ದುಬಾರಿ ಕಾರುಗಳು ಹಾಗೂ ಒಂದು ರಾಯಲ್ ಎನ್ಫೀಲ್ಡ್ ಬೈಕ್ ವಶಕ್ಕೆ ಪಡೆಯಲಾಗಿದೆ’ ಎಂದು ಪೊಲೀಸರು ತಿಳಿಸಿದರು.

. ₹1ಕೋಟಿಗೆ ನಿವೇಶನ ವರ್ಗಾವಣೆ ಒಪ್ಪಂದ: ನಗರದ ಗೊಟ್ಟಿಗೆರೆಯ ಭಾಗ್ಯನಗರದ ಬಳಿ ನಿವೇಶನವೊಂದು ಮಾರಾಟಕ್ಕಿದ್ದು, ಮೈಕಲ್ ಡಿಸೋಜ ಎಂಬುವರಿಗೆ ಸೇರಿದ್ದು ಎಂದು ಆರೋಪಿಗಳು ಖರೀದಿದಾರರಿಗೆ ನಂಬಿಸಿದ್ದರು. ಇದನ್ನು ಚಕ್ರವರ್ತಿ ನಡುಪಾಂಡು ಎಂಬುವರ ಪತ್ನಿಯ ಹೆಸರಿಗೆ ಖರೀದಿಸಲು ₹1 ಕೋಟಿಗೆ ಒಪ್ಪಂದವೂ ಮಾಡಿಕೊಂಡಿದ್ದರು.

. ನಿವೇಶನ ಖರೀದಿಗೆ ಆರೋಪಿಗಳ ಸಹಾಯದಿಂದ ಸಹಕಾರ ನಗರದ ಐಸಿಐಸಿಐ ಬ್ಯಾಂಕಿನಲ್ಲಿ ₹ 69.62 ಲಕ್ಷ ಸಾಲ ಪಡೆದಿದ್ದರು. ಬಳಿಕ ಬೊಮ್ಮನಹಳ್ಳಿಯ ಉಪನೋಂದಣಾಧಿಕಾರಿ ಕಚೇರಿಯಲ್ಲಿ ಬ್ಯಾಂಕ್ ಅಧಿಕಾರಿಗಳು ತಂದಿದ್ದ ಸಾಲದ ಮೊತ್ತದ ಡಿ.ಡಿ.ಪಡೆದುಕೊಂಡು, ಮ್ಯಾಥ್ಯು ಎಂಬುವರನ್ನು ಕರೆ ತಂದು ನಿಜವಾದ ಮೈಕಲ್ ಡಿಸೋಜ (ನಿವೇಶನದ ಮಾಲೀಕ) ಎಂದು ನಂಬಿಸಿದ್ದರು.

. ನಕಲಿ ಮಾಲೀಕನಿಂದಲೇ ಶುದ್ಧ ಕ್ರಯಪತ್ರದ ನೋಂದಣಿ ಮಾಡಿಸಿ, ಡಿ.ಡಿ.ಯನ್ನು ಪೂರ್ವಯೋಜಿತವಾಗಿ ಮಲ್ಲೇಶ್ವರದ ಬ್ಯಾಂಕ್ವೊಂದರಲ್ಲಿ ತೆರೆದಿದ್ದ ಬೇನಾಮಿ ಖಾತೆಗೆ ಜಮಾ ಮಾಡಿಕೊಂಡಿದ್ದರು. ಇದರಿಂದ ಗಳಿಸಿದ್ದ ಹಣವನ್ನು ಆರೋಪಿಗಳೆಲ್ಲ ಹಂಚಿಕೊಂಡು, ಬ್ಯಾಂಕಿಗೂ ವಂಚಿಸಿದ್ದರು. ವಂಚನೆಗೆ ಒಳಗಾದವರು ಕೋಣನಕುಂಟೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿವೇಶನಕ್ಕೆ ನಕಲಿ ದಾಖಲೆ–ಮಾಲೀಕರ ಸೃಷ್ಟಿಸಿ ವಂಚನೆ

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಭಾರತ ಫುಟ್‌ಬಾಲ್ ತಂಡದ ಮುಖ್ಯ ಕೋಚ್‌ ನೇಮಕ ಪ್ರಕ್ರಿಯೆ ಆರಂಭ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಅರಣ್ಯ ‌ಇಲಾಖೆಯಲ್ಲಿ ಖಾಲಿ ಇರುವ 6000 ಹುದ್ದೆಗಳ ನೇಮಕ: ಸಚಿವ ಈಶ್ವರ ಬಿ.ಖಂಡ್ರೆ

ಚುರುಮುರಿ | ಮೌಂಟನ್ ಮೀಟಿಂಗ್!

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ